COASTAL UNION YAPIGWA KIDUDE MOROGORO

 

POLISI Morogoro imeibamiza Coastal Union ya Tanga 1-0,. kwenye Uwanja wa Jamhuri mjini Morogoro. Bao hilo pekee, lilitiewa kimiani Mokili Rambo dakika ta 80.

Mechi hiyo ilikuwa ni maalum kwa timu zote kuvipima vikosi vyake kabla ya kuanza kwa msimu mpya wa Ligi Kuu ya Vodacom Tanzania Bata.

Katika mchezo huo, vikosi vilikuwa: Polisi Moro; Said Manzi,Nahoda Bakary,John Bosco,Hamisi Mamiwa, Abdallah Rajab,Salmin Kiss, Admin Bantu, Pascal Maige, Abdallah Juma, Mokili Rambo na Keneth Masumbuko

Coastal union; Jackson Chove,Mbwana Bakary, Juma Jabu, Jama Macheranga, Philip Metusela, Hamisi Shengo, Pius Kisambile, Razak Khalfan, Nsa Job, Suleiman Kassim 'Selembe' na Atupele Green.

Kikosi cha timu Coastal Union kilichoanza

Kikosi Polisi kilichoanza

Kipute

Kipute

Kipa wa Polisi, Saidi Manzi akiokoa moja ya hatari langoni mwake

Suleiman 'Salembe' akitafuta mbinu za kuwatoka Polisi

SOURCE: http://audifacejackson.blogspot.com/

AZAM YAUA 8-0, SALAMU ZAO SIMBA SC

John Bocco 'Adebayor' amefunga mawili leo Chamazi

Na Mahmoud Zubeiry

KATIKA kujiandaa na mechi ya Ngao ya Jamii, washindi wa pili wa Ligi Kuu ya Tanzania Bara, Azam FC leo wameichapa mabao 8-0 Transit Camp kwenye Uwanja wa Chamazi, nje kidogo ya Jiji la Dar es Salaam.

Katika mchezo huo wa upande mmoja, Azam ikitawala zaidi, mabao yap yalitiwa kimiani na Gaudence Mwaikimba, John Bocco ‘Adebayor’ na Papie, mshambujliaji aliye majaribio kutoka Jamhuri ya Kidemokrasia ya Kongo (DRC) kila mmoja mabao mawili, wakati Kipre Herman Tcheche na Abdulhalim Humud kila mmoja alifunga bao moja.

Azam ambayo ipo chini ya kocha mpya, Mserbia Boris Bunjak, inatarajiwa kuivaa Simba katika mechi ya Ngao ya Jamii ya kuashiria kufunguliwa kwa pazia la Ligi Kuu ya Vodacom Tanzania Bara, Septemba 8, mwaka huu, Uwanja wa Taifa, Dar es Salaam..

Kuchelewa kwa mechi hiyo ambako kumeenda sambamba na kuchelewa kuanza kwa ligi hiyo, kumetokana na kuchelewa kufikiwa mwafaka mapema wa mkataba mpya wa udhamini wa Ligi Kuu.

Mkataba wa awali wa Vodacom na TFF unafikia tamati mwishoni mwa mwezi huu na kusainiwa mkataba mwingine, baada ya majadiliano yanayoendelea.

Lakini kwa kuwa Mkutano Mkuu wa TFF uliopita uliridhia kuanzia msimu ujao Ligi Kuu iendeshwe na kampuni itakayoundwa na klabu za Ligi Kuu mjadala kuhusu udhamini mpya wa ligi umekuwa mrefu kutokana na kuhusisha pande tatu, klabu, wadhamini na shirikisho.

Lakini sasa, kwa vyovyote, hata maridhiano ya mkataba mpya wa udhamini na Vodacom yachelewe tena, mechi hiyo itachezwa Septemba 8, ikiwa ni wiki moja kabla ya kuanza kwa Ligi Kuu.

Kihistoria hiyo itakuwa mechi ya tano ya Ngao ya Jamii kuchezwa nchini na ya pili kuishirikisha timu nje ya wapinzani wa jadi wa soka ya Tanzania, Simba na Yanga.

Mtibwa ilicheza na Yanga mwaka 2009, baada ya Simba kugoma na ikashinda mabao 2-1 na kutwaa Ngao, wakati kabla ya hapo, mwaka 2001, Ligi Kuu ya Tanzania ikiwa bado inadhaminiwa na Kampuni ya Bia Tanzania (TBL), kupitia bia ya Safari Lager, ilichezwa mechi ya kwanza ya Ngao kihistoria.

Katika mechi hiyo, Yanga ilishinda mabao 2-1 dhidi ya Simba na mwaka juzi Yanga iliifunga tena Simba kwa penali 3-1 kufuatia sare ya 0-0 na mwaka jana, Simba ilitwaa Ngao ya kwanza katika historia yake, kwa kuifunga Yanga mabao 2-0.

Wakati huo huo: Jana kikosi cha pili cha Azam, Azam Academy kililazimisha sare ya bila kufungana (0-0) na Prisons ya Mbeya, iliyorejea Ligi Kuu, kwenye Uwanja huo huo wa Chamazi.

 

Source:Bin Zubeiry