UEFA YAAGIZA MAREFA KUVUNJA MECHI UKITOKEA UBAGUZI

UEFA YAAGIZA MAREFA KUVUNJA MECHI UKITOKEA UBAGUZI

6 Juni, 2012 - Saa 18:50 GMT

• Facebook
• Twitter
• Tuma kwa rafiki yako
• Chapisha

MIchel Platini

RAIS wa Shirikisho la Soka Ulaya, (UEFA) Michel Platini anasema njia bora ya kukabiliana na ubaguzi wa rangi katika mchezo wa soka ni kwa waamuzi kusimamisha mechi wakati inabainika kuna ubaguzi huo.

Wiki iliopita kipindi cha BBC cha Panorama kilionyesha matukio ya ubaguzi wa rangi katika viwanja vya Poland na Ukraine, wenyeji wa mashindano ya mataifa bingwa barani Ulaya mwaka 2012, yanayoanza siku ya Ijumaa.

" Muamuzi anaweza akamaliza mechi. Sasa wana uwezo huo wakati suala la ubaguzi wa rangi linapojitokeza," alimwambia mhariri wa michezo wa BBC David Bond.

" Nafkiri, hiyo ndiyo njia nzuri ya kukabiliana na ubaguzi wa rangi katika mchezo huu."

Platini alikanusha taarifa kuwa hadhi yake itashuka kama kutatokea matukio ya ubaguzi wa rangi katika mashindano ya mwaka huu 2012.

" Hadhi yangu, kwa kuwa kuna wabaguzi wa rangi nchini Poland na Ukraine - unafanya mzaha? Unafkiri ni jukumu langu kwa wabaguzi wote wa rangi barani Ulaya au England au Ufaransa?" alisema.

" Jukumu langu ni kukabiliana na tatizo hilo - na nimejitahidi kubadilisha sheria, kubadilisha kanuni, kusaidia kwa kauli mbiu ' Watu wote ni sawa' na ' Isifanyike Tena'. Tunawasaidia sana, tunafanya mengi kukabiliana na ubaguzi wa rangi - lakini si jukumu langu kwa jamii nzima.

KIFAA KINGINE SIMBA SC KUSAINI KESHO YANGA

KIFAA kingine cha Simba kimeomba kusajiliwa Yanga kikidai hakina mkataba na klabu yake ya sasa, kwani kilisaini mkataba wa mwaka mmoja, ambao umemalizika.
Lakini Abdallah Bin Kleb, Mgombea Ujumbe wa Kamati ya Utendaji ya Yanga katika uchaguzi wa Julai 15, mwaka huu amemuambia mchezaji huyo kwamba awape ushahidi wa kutosha, ili wajiridhishe na watamsaini kwa sababu wanaheshimu soka yake.
Kesho, mchezaji huyo fundi, aliye kambini timu ya soka ya taifa ya Tanzania, Taifa Stars- ameahidi kupeleka ushahidi ili naye ajichotee noti zenye alama ya mnyama tembo kama alizokusanya Yondan usiku huu.

BREAKING NEWS;YONDAN AKAMILISHA USAJILI YANGA NA KUKANA KUSAINI SIMBA

Yondan akikamilisha usajili wake Yanga, mbele ya Seif Magari kulia leo usiku, Kushoto ni mtu wa Simba, ambaye alimpeleka mchezaji huyo kumaliza usajili naye akapewa posho yake.

KELVIN Patrick Yondan, beki wa kati wa Simba amekana kusaini mkataba wowote na Simba na amesema yeye amesaini Yanga tu mkataba wa miaka miwili.
Akizungumza na BIN ZUBEIRY usiku huu, Yondan amesema Simba wanampakazia kusaini mkataba mpya na anataka wapenzi wote wa soka Tanzania watambue kwamba kuanzia sasa yeye ni mchezaji halali wa Yanga.
"Kesho tutaongea vizuri, nimechoka,"alisema Yondan baada ya kukamilisha usajili wake, mbele ya mgombea Ujumbe wa kamati ya Utendaji ya Yanga, Abdallah Ahmad Bin Kleb na swahiba wake Seif Ahmad 'Magari' usiku huu.
"Alikuwa amesaini kila kitu, kuna sehemu alikuwa hajamaliza kujaza leo, ndio amemalizia na ametuhakikishia hana mkataba na Simba, hivyo huyu ni mchezaji ambaye mimi na Seif tunamsajili kwa ajili ya klabu yetu kipenzi, Yanga,"alisema Bin Kleb.
Habari ambazo BIN ZUBEIRY imezipata ni kwamba, Yondan aliikana Yanga awali kwa sababu walimsainisha fomu bila kumpa fedha, lakini leo amepewa Milioni 30 zake taslimu na amemaliza kila kitu.

ROONEY AHAMASISHA WENZAKE ENGLAND

• Don't get your hopes up! Southgate warns fans as England fly out to Krakow
• England head into Euros as world's sixth-best team (well, according to FIFA...)

Wayne Rooney amewataka wachezaji wenzake wa timu ya taifa ya England, kusahau matokeo mabaya ya nyuma na kujituma katika michuano ya Euro 2012.

Mshambuliaji huyo yumo kwenye kikosi cha kocha Roy Hodgson cha Euro 2012, lakini alikuwa mchezaji muhimu kwenye timu ya England kilichochza fainali mbili za Kombe la Dunia na kukosa tiketi ya Euro 2008.

MANJI 'AJILIPUA' YANGA, VIGOGO SERIKALINI WAINGIA MITINI

Manji; Mwenyekiti mpya mtarajiwa Yanga

YUSSUF Mehboob Manji ni miongoni mwa wanachama 29 wa Yanga waliorudisha fomu leo kwa ajili ya kuwania nafasi mbalimbali za uongozi katika klabu hiyo, katika uchaguzi uliopangwa kufanyika Julai 15, mwaka huu, Dar es Salaam.

Katibu Mkuu wa Kamati ya Uchaguzi ya Yanga, Francis Kaswahili amesema jioni hii katika Mkutano na Waandishi wa Habari kwamba, Manji ni miongoni mwa wanachama wanne waliorudisha fomu kwa nafasi ya Mwenyekiti, wengine wakiwa ni John Jambele, Edgar Chibura na Sarah Ramadhani.

Katika nafasi ya Makamu Mwenyekiti, Kaswahili aliyekuwa akizungumza mbele ya mwakilishi wa kamati ya Uchaguzi ya Shirikisho la Soka Tanzania (TFF), Hassan Chabanga Dyamwale alisema wamerudisha wanachama watano ambao ni Ally Mayay, Ayoub Nyenzi, Yono Kevela na Clement Sanga.

Katika nafasi za Ujumbe waliorudisha ni Lameck Nyambaya, Ramadhani Mzimba ‘Kampira’, Mohamed Mbaraka, Ramadhani Said, Edgar Fongo, Beda Simba, Ahmad Gao, Mussa Katabaro, George Manyama, Aaron Nyanda, Abdallah Bin Kleb, Omary Ndula, Shaaban Katwila, Jumanne Mohamed Mwammenywa, Abdallah Mbaraka, Peter Haule, Justin Baruti na Abdallah Sharia.

Kaswahili alisema Mkuu wa Wilaya ya Handeni, Muhingo Rweyemamu, Mfanyabiashara Muzamil Katunzi na Katibu Mkuu wa Wizara ya Madini, Eliakhim Masu hawakurudisha fomu, wakati Isaac Chanzi pia hakurudisha fomu ya Makamu Mwenyekiti.

Mzee Dyamwale kulia akifafanua jambo kwa Waandishi kumsaidia Kaswahili, kushoto

Manji alimchukulia fomu Bin Kleb, ambaye naye leo amemrejeshea fomu Yussuf, akisindikizwa na Seif Ahmad ‘Magari’.

GAMBIA YAWASILI LEO DAR, PROGRAMU YA MAZOEZI STARS HII HAPA

Wachezaji wa Stars

TIMU ya taifa ya Gambia, The Scorpion inatarajia kuwasili nchini wakati wowote kuanzia leo (Juni 6 mwaka huu) tayari kwa ajili ya mechi dhidi ya Taifa Stars.

Kamati ya Maridhiano inayoendesha Chama cha Soka Gambia (GFA) hadi leo mchana ilikuwa haijatuma taarifa rasmi kwa Shirikisho la Mpira wa Miguu Tanzania (TFF) juu ya ujio wake.

Lakini vyombo vya habari vya Gambia vimeripoti kuwa timu hiyo ikiwa na wachezaji 23 na viongozi tisa ilitarajiwa kuondoka huko leo kuja Dar es Salaam tayari kwa ajili ya mechi hiyo inayosubiriwa kwa hamu na washabiki wengi nchini.

Kwa mujibu wa Ofisa Habari wa GFA aliyekaririwa na vyombo vya habari vya nchi hiyo, Bakary Balder, msafara wa timu hiyo utaongozwa na Naibu Katibu Mkuu wa Wizara ya Vijana na Michezo, Malang Jassey. .

Mbali ya Jassey, viongozi wengine katika msafara huo ni Ofisa Utawala wa timu Modou Sowe, Kocha Luciano Machini, makocha wasaidizi Peter Bonu Johnson na Lamin Sambou, Kocha wa makipa Alhagie Marong, mtaalamu wa tiba mbadala (physiotherapist) Pa Matarr Ndow, Mtunza vifaa Sanna Bojang na Daktari wa timu Kalifa Manneh.

Wachezaji ni Musa Camara, Abdou Jammeh, Momodou Futty Danso, Lamin Basmen Samateh, Ousman Koli, Pa Saikou Kujabi, Mustapha Kebba Jarju, Yankuba Mal Ceesay, Demba Savage, Saihou Gassama, Alieu Darboe, Momodou Ceesay, Pa Modou Jagne, Tijan Jaiteh, Bubacarr Sanyang, Christopher Allen, Musa Yaffa, Sulayman Marr, Mamut Saine, Hamsa Barry, Ali Sowe, Omar Colley na Saloum Faal.

Wakati huo huo: Tanzania imepanda kwa nafasi sita kwenye orodha ya viwango ya Shirikisho la Kimataifa la Mpira wa Miguu (FIFA) iliyotolewa leo (Juni 6 mwaka huu) na shirikisho hilo.

Kwa viwango vya Mei mwaka huu, Tanzania ambayo timu yake ya Taifa (Taifa Stars) inadhaminiwa na Kilimanjaro Premium Lager ilikuwa namba 145 hivi sasa imefika nafasi ya 139 ikiwa na pointi 214.

Mei 26 mwaka huu Taifa Stars ilicheza mechi ya kirafiki na Malawi na kutoka suluhu. Malawi yenye pointi 324 imeporomoka kwa nafasi tano kutoka ya 102 hadi 107.

Ivory Coast ambayo katika mechi yake ya mwisho Juni 2 mwaka huu iliifunga Taifa Stars mabao 2-0 imeporomoka kwa nafasi moja kutoka ya 15 hadi 16 ikiwa na pointi 943. Hata hivyo ndiyo inayoongoza kwa upande wan chi za Afrika katika viwango hivyo.

Aidha, Kiingilio cha chini ya mechi ya mchujo ya Kombe la Dunia kati ya Tanzania (Taifa Stars) na Gambia (The Scorpions) itakayochezwa Jumapili (Juni 10 mwaka huu) Uwanja wa Taifa, Dar es Salaam ni sh. 3,000.

Watazamaji watakaolipa kiingilio hicho ni watakaokaa kwenye viti vya rangi ya bluu na kijani ambavyo ni 36,693 kati ya jumla ya viti 57,558 vilivyopo katika uwanja huo wa kisasa. Kiingilio kwa viti vya rangi ya chungwa ni sh. 5,000.

Kwa upande wa VIP C watalipa sh. 10,000 wakati VIP B ni sh. 20,000. Kiingilio kwa jukwaa la VIP A ambalo linachukua watazamaji 748 tu ni sh. 30,000 kwa mechi hiyo itakayoanza saa 10 kamili jioni.

Tiketi zitaanza kuuzwa Jumamosi (Juni 9 mwaka huu) kuanzia saa 2 asubuhi kwenye vituo vya Mgahawa wa Steers ulioko Mtaa wa Ohio na Samora, Shule ya Sekondari Benjamin Mkapa, Soko Kuu la Kariakoo na Uwanja wa Taifa. Siku ya mechi pia mauzo yatafanyika katika vituo hivyo na baadaye kuhamia Uwanja wa Taifa.

PROGRAMU YA TAIFA STARS KWA MECHI YA GAMBIA

JUMATANO JUNI 6

01.00 asubuhi Mazoezi- Uwanja wa Karume

10.00 jioni Mazoezi- Uwanja wa Taifa

ALHAMISI JUNI 7

10.00 jioni Mazoezi- Uwanja wa Taifa

IJUMAA JUNI 8

10.00 jioni Mazoezi- Uwanja wa Taifa

JUMAMOSI JUNI 9

04.00 asubuhi Mkutano na Waandishi wa Habari- Ukumbi wa TFF

11.00 jioni Mazoezi- Uwanja wa Taifa.

BIN KLEB ARUDISHA FOMU YAKE NA MANJI JANGWANI

ABDALLAH Ahmad Bin Kleb amerudisha fomu yake ya kugombea Ujumbe wa Kamati ya Utendaji ya Yanga, lakini inadaiwa alikuwa ana fomu nyingine tatu, ambazo inadaiwa kuwa ni za Yussuf Manji kugombea Uenyekiti, Isaac Chanji, Makamu Mwenyekiti, Mkuu wa Wilaya ya Handeni, Muhingo Rweyemamu na Katibu Mkuu wa Wizara ya Nishati na Madini, Eliakhim Masu. Pichani Bin Kleb akikabidhi fomu hizo.

Anaondoka

KABURU: TUNAWASHITAKI YANGA

MAKAMU Mwenyekiti wa Simba SC, Geoffrey Nyange ‘Kaburu’ amesema kwamba wataishitaki Yanga kwa kitendo cha kuzungumza na beki wao, Kelvin Patrick Yondan kinyume cha kanuni za usajili.

Akizungumza na BIN ZUBEIRY dakika chache zilizopita, Kaburu (pichani kushoto) alisema kwamba kanuni za usajili haziruhusu klabu kuzungumza na mchezaji wa klabu nyingine bila kupewa ruhusa na klabu yake.

“Kwa mujibu wa fomu tuliyoiona ambayo Yondan amesaini Yanga, wakati anasaini Yanga alikuwa ana mkataba wa miezi sita na Simba, kisheria ni makosa na sisi tutawashitaki kwa kukiuka kanuni za usajili,”alisema.

Inadaiwa Yondan alisaini Yanga, Novemba mwaka jana- wakati ambao wenyewe (Yanga) wanadai alikuwa hana mkataba na Simba SC.

Yondan mwenyewe amekwishakaririwa akikana kusaini Yanga, ingawa fomu ya mkataba imemuumbua leo. Mapema mwezi uliopita Simba ilisema ilikwishongeza mkataba na Yondan.

YONDAN HAJATIMIZA MIAKA 18, ANASAINI VIPI MIKATABA?

Yondan kulia akimdhibiti Drogba mjini Abidjan Jumamosi iliyopita, Taifa Stars ilipomenyana na Ivory Coast.

Beki Kelvin Patrick Yondan anadai amezaliwa Oktoba 9, mwaka 1994, ina maana Oktoba 9, mwaka huu ndio atatimiza miaka 18 na kwa mujibu wa sheria, huyu bado ni mtoto na haruhusiwi kusaini mkataba. Amekwishatumikia mikataba miwili Simba SC na sasa amesaini mkataba wa tatu Yanga. Hii imekaaje? Kihistoria huyu anakuwa beki wa tatu kusaini Yanga na baadaye kuikana timu hiyo, baada ya Amri Said mwaka 2001 na Victor Costa mwaka 2005.

DROO YA VUMBUA HAZINA YA SBL YAZIDI KUNEEMESHA

Meneja wa Bia ya Serengeti, Allan Chonjo (wa pili kutoka kushoto) akichezesha drooo ya sita ya promosheni ya Vumbua Hazina Chini ya Vizibo na SBL, inayoendeshwa na kampuni ya Bia ya Serengeti, iliyofanyika katika ofisi za kampuni hiyo Oysterbay jijini Dar leo. Kulia ni James Ndetiko kutoka PWC na Bakari Magged Kutoka bodi ya Bahati Nasibu ya Taifa, kushoto ni Tumainieli Malisa kutoka PWC pamoja na Waandshi wa Habari na wadau wengine wakifuatilia kwa ukaribu Droo hiyo.

MAMBO YALIVYO JANGWANI KUELEKEA KILELE CHA KUREJESHA FOMU

Waandishi wa Habari wakisubiri kwa hamu wagombea wanaorudisha fomu kuwania uongozi wa Yanga katika uchaguzi uliopangwa kufanyika Julai 15, mwaka huu. Mwisho wa kurudisha fomu ni leo saa 10:00 jioni.

Waandishi

Wanachama

Wanachama

Wanachama

Wanachama

Wanachama

Wanachama

Wanachama

BREAKING NEWS; KELVIN YONDAN ATUA YANGA KWA MILIONI 30

Beki wa Simba, Kelvin Patrick Yondan amesaini Yanga kwa dau la Milioni 30,000 na atakuwa akilipwa mshahara wa Sh 800,00 kwa mwezi. BIN ZUBEIRY imefanikiwa kupata nakala ya fomu ya mkataba wa Yondan aliosaini Yanga. isome hapo chini.

Eneo la malipo ya Yondan katika fomu hiyo

Sehemu ya mkataba wa Yondan na Yanga

 

SBL KUMCHAFUA KWA 'DOLARI' MWANAMICHEZO BORA TASWA

Mwenyekiti wa Chama cha Waandishi wa Habari za Michezo Tanzania (TASWA), Juma Abbas Pinto (kulia) akitoa shukrani kwa Meneja wa Kampuni ya Bia ya Serengeti (SBL), Imani Lwinga (kushoto), wadhamini wa tuzo za wanamichezo bora nchini, katika Mkutano wa kutaja za zawadi za washindi, uliofanyika City Sports Lounge, Dar es Salaam. Lwinga amesema mwaka huu, mshindi wa tuzo wa Mwanamichezo Bora wa Mwaka wa TASWA, watamzawadia dola za Kimarekani 8,000, zaidi ya Sh Milioni 12.

MWANAMICHEZO Bora wa Tanzania kwa mwaka 2011 anatarajiwa kupewa dola za Marekani 8,000 (Zaidi ya sh. Milioni 12 za Tanzania) imetangazwa leo.

Akizungumza na waandishi wa habari Dar es Salaam leo, Meneja Mawasiliano wa Kampuni ya Bia ya Serengeti (SBL), Imani Lwinga alisema uamuzi wa kutoa fedha una lengo la kumpa uhuru mshindi aweze kufanya mambo anayoyapenda kutokana na zawadi hiyo.

“Nia ya kutoa zawadi ni kumfanya mshindi aone ana kitu fulani amepata, hivyo safari hii tumeona tutoe kiasi hicho cha fedha ambacho tunaamini kitakuwa changamoto kubwa kwa mshindi,” alisema Lwinga.

Alieleza kuwa walipokea ombi kutoka Chama cha Waandishi wa Habari za Michezo Tanzania (TASWA), ambacho ndiyo kinaandaa tuzo hiyo, kwamba safari hii kuwe na mabadiliko kwa mshindi akabidhiwe fedha badala ya zawadi ya gari kama ilivyokuwa mwaka jana. Pia mshindi huyo wa jumla atapewa cheti na kombe.

Lwinga alisema pia Serengti itatoa zawadi ya Sh. Milioni moja kwa kila mshindi wa michezo mbalimbali ambayo itazawadiwa katika sherehe hizo zitakazofanyika Juni 14 mwaka huu ukumbi wa Diamond Jubilee, Dar es Salaam.

Akizungumzia hilo, Katibu Mkuu wa TASWA, Amir Mhando alisema wanatarajia wanamichezo mbalimbali watapewa tuzo siku hiyo na kutaja michezo ambayo itapewa tuzo kuwa ni riadha, wavu,netiboli,kuogelea, tenisi, judo, kikapu, soka, ngumi za kulipwa, ngumi za ridhaa, gofu wa ridhaa, gofu wa kulipwa, baiskeli, kriketi.

Mingine ni mpira wa mikono, olimpiki maalum, Mchezaji Bora wa Nje anayecheza Tanzania, Mchezaji Bora Chipukizi, Mchezaji Bora wa Tanzania anayecheza Nje, Karate, Mwanamichezo Bora wa Tanzania mwaka 2011 na Tuzo ya Heshima.

Mhando ambaye pia ni Katibu wa Kamati ya Tuzo alisema Ijumaa watatangaza majina ya wanamichezo wote watakaowania tuzo hiyo na kuipongeza Serengeti kwa udhamini wao wa kila mwaka.

Kwa mujibu wa Mhando mwaka 2006 Mwanamichezo Bora wa Tanzania alikuwa Samson Ramadhan aliyezawadiwa sh. 500,000, wakati mwaka uliofuata mshindi ambaye alikuwa Martine Sulle alizawadiwa Sh.500,000, huku mwaka 2008 mshindi akiwa Mary Naali alizawadiwa sh.750,000. Wote hao ni wanariadha.

Mshindi wa mwaka 2009 alikuwa mchezaji netiboli Mwanaid Hassan aliyezawadiwa sh. Milioni moja na mwaka 2010 pia alikuwa Mwanaid aliyezawadiwa gari aina ya Toyota Cresta GX 100 .

Akizungumza kwenye mkutano huo, Mwenyekiti wa TASWA, Juma Pinto aliwashukuru Serengeti na kusema kuwa ana matumaini zawadi hizo itakuwa kichocheo cha wanamichezo kufanya vizuri zaidi.

Tuesday, June 5, 2012

NYOTA SIMBA WAKIJIFUA GYM ASUBUHI YA LEO

Mshambuliaji mpya wa Simba SC, Abdallah Juma akijifua katika gym ya Kelken , Chang'ombe, Dar es Salaam asubuhi ya leo.

Kocha wa makipa, James Kisaka naye akijifua

Makamu Mwenyekiti wa Simba SC, Geoffrey Nyange 'Kaburu'akizungumza na mshambuliaji mpya wa timu hiyo, Abdallah Juma akiendelea na mazoezi

Patrick Mbiyavanga kutoka DRC

Meneja Vifaa vya Michezo wa Simba, Kessy Rajab naye akijifua

Mbiyavanga akijifua

Mbiyavanga

Amri Kiemba akijifua

Salum Machaku naye alikuwepo

AZAM FC KAMBINI IJUMAA SHAMBA

Wachezaji wa Azam

BAADA ya mapumziko ya takribani mwezi mmoja tangu kumalizika kwa msimu uliopita wa Ligi Kuu ya Vodacom Tanzania Bara, wachezaji wa Azam FC wameanza kuwasili mjini Dar es Salaam kwa ajili ya maandalizi ya michuano ya Klabu Bingwa Afrika Mashariki na Kati, CECAFA Kagame.

Meneja wa Azam FC, Patrick Kahemele ameiambia BIN ZUBEIRY asubuhi hii kwamba,

kulingana na programu ya maandalizi, Azam FC wataanza mazoezi Ijumaa wiki hii, Uwanja wa Azam Complex, Chamazi maalum kwa mashindano hayo yatakayofanyika mwezi ujao mjini Dar es Salaam.

Kahemele amesema wachezaji kutoka nje ya Tanzania watawasili mapema wiki hii kwa maandalizi ya makazi kabla ya kuanza kwa mazoezi hayo yatakayofanyika kwenye Uwanja wa Azam, Chamazi.

Alisema usajili kwa wachezaji ulikwishamalizika kabla ya wachezaji kwenda likizo, hivyo wachezaji wote waliosajiliwa wataanza mazoezi isipokuwa wale walioko kwenye timu zao za taifa, Tanzania, Uganda na Zanzibar, ambazo zipo kwenye mashindano mbalimbali ya kimataifa wikiendi hii.

Alisema programu ya maandalizi ya Kombe la Kagame, itamalizika siku moja kabla ya kuanza mashindano hayo na yatakapomalizika, wachezaji watapewa mapumziko ya siku chache kabla ya kuanza maandalizi kwa ajili ya msimu ujao wa Ligi Kuu.

Kahemele amesema maandalizi kwa ajili ya VPL yatahusisha pia ziara ya nje ya nchi ya kujiandaa na msimu mpya, ingawa amesema nchi hiyo itatajwa baadaye.

Kahemele alisema wachezaji wapya kiikosini Azam msimu huu ni kiungo Mkenya George ‘Blackberry’ Odhiambo na kipa Deogratius Munishi kutoka Mtibwa Sugar, wakati Aishi Salum, Jackson Wandwi, Dizana, Ibrahim Rajab Jeba na Joseph Kimwaga, wamepandishwa kutoka akademi ya Azam.

Kikosi kamili cha Azam FC kinaundwa; na makipa, Mwadini Ally, Deo Munishi ‘Dida’ Aishi Salum na Jackson Wandwi, mabeki wa Ibrahim Shikanda, Erasto Nyoni, Waziri Salum, Samir Haji Nuhu, Luckson Kakolaki, Said Mourad, Joseph Owino na Aggrey Morris.

Viongo ni Kipre Bolou, Abdulhalim Humud, Himid Mao, Salum Abubakar, Abdi Kassim Sadalla, Ramadhani Suleiman Chombo, Abdulghani Ghullam, Ibrahim Rajab Jeba, Jabir Aziz Stima, Ibrahim Joel Mwaipopo, Kipre Tchetche, Mrisho Ngassa, Zahoro Pazi, Khamis Mcha na George Odhiambo ‘Blackberry’ wakati washambuliaji ni Gaudence Mwaikimba, John Bocco ‘Adebayor’.

Hii ni mara ya kwanza kwa Azam FC kucheza Kombe la Kagame, baada ya kushika nafasi ya pili katika msimu uliopita wa Ligi Kuu. Katika Kombe la Kagame mwaka huu, wenyeji Bara wataingiza timu tatu, Yanga ambao ni mabingwa watetezi, wakati Simba na Azam wanaingia kwa nafasi za uwakilishi.

Wakati huo huo: Kahemele amesema kwamba, Azam FC imepanga kuifikisha klabu ya Simba kwenye Kamati ya Nidhamu ya Shirikisho la Soka Tanzania (TFF), iliyo chini ya Mwenyekiti, Kamanda Mstaafu wa Polisi, kanda maalum Dar es Salaam, Alfred Tibaigana iwapo itaendelea na mpango wa kumuiba mchezaji wao, Jeba.

Simba na Azam zinamgombea mchezaji huyo chipukizi, ambaye msimu uliopita alichezea Villa Squad Ligi Kuu kwa mkopo akitokea kwa wana Lamba Lamba, lakini Wekundu wa msimbazi wanasema kinda huyo hana mkataba na Azam.

BABU FERGUSON ACHARUKA, AAMUA KUBOMOA BENKI SASA

Modric akimiliki mpira katikati ya Essein na Drogba wa Chelsea

Tetesi za J'tano magazeti ya Ulaya

FERGUSON AAMUA KUBOMOA BEKI

KOCHA Sir Alex Ferguson amemtia kwenye orodha ya wachezaji anaowataka beki wa kushoto wa Everton na England, Leighton Baines na kiungo wa ­Tottenham, Luka Modric baada ya kumsajili kiungo Mjapan, Shinji Kagawa kwa dau la pauni Milioni 12.

Habari kamili: Daily Mirror

KLABU ya Napoli ya Italia, pia inamtolea macho Leighton Baines, mwenye umri wa miaka 27, ambaye anauzwa kwa kiasi cha pauni Milioni Milioni 20.

Habari kamili: Daily Mail

KOCHA wa West Ham, Sam Allardyce anataka kumsajili winga machachari wa klabu ya Wolves, Michael Kightly, ambaye ana umri wa miaka 26.

Manchester United na Napoli zinamtaka Baines, lakini Everton pia haitaki kumuachia.

Habari kamili: Daily Mirror

KLABU za QPR na Sunderland zinamtolea macho kiungo mwenye umri wa miaka 26, aliyewahi kuzichezea Everton na Portsmouth, Manuel Fernandes, ambaye kwa sasa ni mchezaji huru.

Habari kamili: Daily Mail

KLABU ya Sunderland inatumai kocha wa Aston Villa, Paul Lambert anamtolea macho mshambuliaji wa Norwich, Grant Holt na hiyo itasaidia mpango wa kumng'ao mshambuliaji Gabriel Agbonlahor Villa Park kutua Stadium Of Light.

Habari kamili: Sunderland Echo

KIUNGO wa Swansea, Gylfi Sigurdsson hatarajii kubaki katika klabu hiyo msimu ujao na amesemaq anataka kumfuata kocha Brendan Rodgers Liverpool.

Habari kamili: Daily Mail

MCHEZAJI anayetakiwa na Newcastle, Douglas amesema kwamba The Magpies wanamtaka kwa dhati - lakini mzaliwa huyo wa Brazil, anayechezea FC Twente pia amesema klabu kubwa Ulaya nazo zinataka huduma yake.

Habari kamili: Newcastle Chronicle

KIUNGO Joe Cole atarejea Liverpool baada ya kumaliza muda wake wa kucheza kwa mkopo Ufaransa, kwa mujibu wa kocha wa Lille, Rudi Garcia.

Habari kamili: Metro

RONALDO MILELE BERNABEU

MSHAMBULIAJI wa Real Madrid, Cristiano Ronaldo amesema hana mpango wa kurejea Ligi Kuu England na anataka kucheza hadi mwisho wa maisha yake ya soka katika klabu ya Bernabeu.

Habari kamili: talkSPORT

KIUNGO wa Manchester City, David Silva amewaambia Real Madrid hana mpango na kuhamia klanu hiyo ya nchini mwake, kwani anafurahia maisha Uwanja wa Ethiad.

Ronaldo.

Habari kamili: Manchester Evening News

KOCHA wa Tottenham, Harry Redknapp amemtaka Mwenyekiti wa klabu hiyo, Daniel Levy kufanya haraka kumpa mkataba mpya kama wanathamini yeye kama kocha.

Habari kamili: the Guardian

KOCHA wa Stoke, Tony Pulis anafikiri mshambuliaji, Peter Crouch atarejea 'mtamu' zaidi na zaidi msimu ujao, kufuatia kutemwa katika kikosi cha England cha Euro 2012.

Habari kamili: Stoke Sentinel

KLABU ya Norwich inatumai kumtambulisha Chris Hughton kama kocha wao mpya - na itatuma maombi rasmi kwa kocha huyo wa Birmingham katika saa 48 zijazo.

Habari kamili: Daily Mirror

MWENYEKITI wa Swansea, Huw Jenkins amesema kwamba ipo karibu kumtaja kocha wao mpya, na amekwishazungumza na Ian Holloway juu ya nafasi hiyo