RAIS KIKWETE AAHIDI KUSAIDIA ZAIDI SEKTA YA MICHEZO, ATEMBELEA KAMBI YA TAIFA YA OLIMPIKI LONDON

Rais wa Jamhuri ya Muungano wa Tanzania, Jakaya Mrisho Kikwete ameahidi kuendelea kusaidia sekta ya michezo na kuleta makocha zaidi wa kigeni nchini ili kuinua michezo. Rais Kikwete, alisema hayo jana alipokutana na wachezaji sita wanaounda kikosi cha timu ya taifa ya michezo mbalimbali waliopo London, Uingereza tayari kushiriki michezo hiyo inayotarajiwa kwanza Julai 26, mwaka huu. Rais Kikwete, aliyeambatana na mkewe, Mama Salma, amewapa moyo wachezaji hao na kuwatakia kila la heri, waipeperusha vyema bendera ya Tanzania. Rais JK yupo England kwa ziara ya kikazi. Pichani ni Rais Kikwete (katikati) akiwa na wachezaji wa timu hiyo ya taifa ya Olimpiki, jana mjini London.

JK, mama Salma JK na Balozi wa Tanzania, England, Peter Kallaghe (wa sita kutoka kushoto) wakiwa katika picha ya pamoja na wachezaji na maafisa wa timu ya taifa itakayoshiriki Olimpiki, leo jijini London.

Rais JK akizungumza leo jijini London na wachezaji na maafisa wa timu ya taifa itakayoshiriki Olimpiki.

JK akiteta leo jijini London na Balozi Kallaghe wakati akizungumza na wachezaji wa timu ya taifa itakayoshiriki Olimpiki.

 

 

RAIS WA FIFA KATIKA KASHFA YA RUSHWA

11 Julai, 2012 - Saa 20:03 GMT

• Facebook
• Twitter
• Tuma kwa rafiki yako
• Chapisha

Rais wa zamani wa FIFA Havelange

Aliyekuwa Rais wa shirikisho linalotawala mchezo wa soka duniani, FIFA , Joao Havelange pamoja na kiongozi wa soka wakati mmoja nchini Brazil Ricardo Teixeira wanatuhumiwa kupokea mirungura ya mamilioni ya dola za kimarekani kama hongo katika kupanga mwenyeji wa Kombe la Dunia, kwa mujibu wa tangazo la FIFA lililochapishwa jumatano.

Hatimaye shirikisho hilo limechapisha hati ya maelezo kamili kuwa Texeira alipokea faranga za Uswizi milioni 12.74 sawa na dola za Marekani milioni 13 kwa kiwango cha leo kuanzia mwaka 1992 hadi 1997 kama malipo kwa kampuni ya mauzo ya FIFA ikiwa ni mshirika wa ISL. Kufilisika kwa kampuni hiyo yenye makao yake Uswizi kulizusha upelelezi wa kihalifu na kufichua tabia mbovu iliyokuepo ya viongozi kupokea mirungura ili kufanikisha mipango ya wanaohitaji.

Hati hio yenye kurasa 41 ilionyesha kuwa Havelange alipokea malipo ya faranga za Uswizi milioni 1.5 sawa na $milioni moja mnamo mwaka 1997, mwaka mmoja kabla ya kumpisha Sepp Blatter kama Rais mpya.

Ricardo Teixeira

Malipo yanayotajwa kuwa yalipitia benki za raia hao wawili wa Brazil zilifikia kiwango cha faranga milioni 22 za Uswizi kati ya mwaka 1992 na 2000.

Kiwango cha mirungura inayohusiana na hati miliki ya kutangaza Kombe la Dunia pamoja na haki ya kupitisha matangazo wakati wa Kombe la Dunia ilidhihirishwa katika taarifa iliyotayarishwa na mwanasheria wa Wilaya ya Uswizi ya Zug aliyewachunguza Havelange na Texeira kwa matumizi mabaya ya fedha au uongozi usioambatana na misingi ya kazi.

Waraka huu mwanzoni uliwekewa kizuizi usichapishwe tangu Juni mwaka 2010, baada ya wanasheria, FIFA na watu wawili mashuhuri katika Soka duniani kuafikiana juu ya kusimamisha upelelezi wa kihalifu.

FIFA, Havelange na Teixeira walirejesha faranga milioni 5.5 million za Uswizi (takriban dola $6.1 wakati huo) ili mwanasheria Thomas Hildbrand asimamishe uchunguzi na majina yao yawe ni siri.

Teixeira, ambaye alirejesha faranga milioni 2.5, alikanusha madai ya kuhusika kihalifu. Havelange, aliyerudisha laki tano za Uswizi, hakutoa tamko lolote kuhusiana na madai ya uhalifu, kwa mujibu wa taarifa hio.

SOURCE BBC SWAHILI

 

EUSEBIO AAGWA HOSPITALI

11 Julai, 2012 - Saa 16:46 GMT

• Facebook
• Twitter
• Tuma kwa rafiki yako
• Chapisha

Mcheza soka maarufu wa Ureno mwenye asili ya Msumbiji, aliyeichezea Timu ya Taifa ya Ureno na klabu ya Benfica, Eusebio,ameagwa kutoka hospitali alikolazwa wakati wa kombe la Euro 2012 nchini Poland.

Kombe la Dunia 1966 England

Eusebio, mwenye umri wa miaka 70, alilazwa tena mjini Lisbon baada ya kuwaswili kutoka Poland kwa ndege ambapo hali yake haikuwaridhisha madaktari.

Mchezaji huyo mkongwe aliyepewa jina la Black Panther akiwa ni balozi wa Ureno wa soka amekuwa akisumbuliwa na shinikizo la damu. Eusebio anakumbukwa mno kwa mchango wake wa mabao yaliyoiwezesha Ureno kumaliza ya tatu kwenye Kombe la Dunia la mwaka 1966 nchini England.

SOURCE: BBC SWAHILI

 

LIVERPOOL YAONA BORA HASARA KULIKO GALASA

11 July 2012Last updated at 22:30 GMT

6

• Share
• Facebook
• Twitter

• print

Tetesi za Alhamisi magazeti ya Ulaya

LIVERPOOL YAKUBALI HASARA KULIKO GALASA

KLABU ya Liverpool iko tayari kupoteza pauni Milioni 25 kwa mshambuliaji Andy Carroll, kwa mshambuliaji huyo kurejeshwa Newcastle kwa dau la pauni Milioni 10.

Habari kamili: The Independent

KOCHA mpya wa Tottenham, Andre Villas-Boas anamtaka kiungo wa Porto, Joao Moutinho kama mbadala wa Luka Modric. Modric anatarajiwa kuondoka White Hart Lane na Spurs iko tayari kumchukua Moutinho, ambaye aling'ara katika Euro 2012 akiwa na kikosi cha Ureno.

Habari kamili: talkSPORT

MSHAMBULIAJI wa Porto, Hulk amekanusha kwamba yupo karibu kusaini Chelsea. Mchezaji huyo mwenye umri wa miaka 25, ambaye yumo kwenye kikosi cha Olimpiki cha Brazil, anafurahi kubaki Ureno.

Jermain Defoe anaweza kuhamia Reading?

Habari kamili: talkSPORT

KLABU ya Reading inajiandaa kutoa pauni Milioni 5 kumchukua mshambuliaji wa Tottenham, Jermain Defoe.

Habari kamili: Metro

KLABU za West Brom na Aston Villa, zote zinamtaka kiungo wa Rennes, Tongo Doumbia.

Habari kamili: Daily Express

KLABU ya Brighton imenza maongezi na Arsenal juu ya kumchukua kwa mkopo beki kinda, Ignasi Miquel, lakini wanakabiliwa na upinzani kutoka Barcelona B.

Habari kamili: talkSPORT

KLABU ya Newcastle imejitosa kwenye mbio za kuwania saini ya winga wa Blackburn, Junior Hoilett - ambaye amemaliza mkataba wake Ewood Park - baada ya pendekezo lake la kwake Borussia Monchengladbach kufeli.

Habari kamili: Metro

MSHAMBULIAJI wa Tottenham, Rafael van der Vaart anaweza kuondoka kwenda kujiunga na klabu moja Falme za Kiarabu (UAE), baadea ya dili lake la kuhamia Hamburg kushindikana.

Habari kamili: Daily Mail

CAPELLO KUPEWA URUSI

KOCHA wa zamani wa England, Fabio Capello yupo kwenye nafasi nzuri ya kuchukua nafasi iliyo wazi ya Ukocha wa timu ya taifa ya Urusi, baada ya Harry Redknapp kuamua mwenyewe kujiondoa.

Fabio Capello aliacha kazi England Februari

Habari kamili: Daily Mail

KOCHA wa Wales, Chris Coleman amesema kwamba winga Gareth Bale hayuko fiti kucheza Olimpiki.

Habari kamili: Mirror

KIUNGO mkongwe, David Beckham hatabakia London kwa muda wote wa Michezo ya Olimpiki, baada ya kutemwa kwenye kikosi cha GB. Atarejea Los Angeles kuichezea klabu yake, LA Galaxy.

Habari kamili: Daily Mail

RODGERS AJITABIRIA UGUMU LIVERPOOL...

KOCHA mpya wa Liverpool, Brendan Rodgers amesema kwamba anatarajia changamoto kubwa kabla ya kufikia mafanikio katika klabu hiyo ya Anfield.

Habari kamili: Mirror

 

NI FAINALI YA KUFA MTU SIMBA NA AZAM TAIFA LEO

Azam wakijinoa

Na Prince Akbar

FAINALI ya Kombe la Urafiki, michuano inayoandaliwa na Chama cha Soka Zanzibar (ZFA), inachezwa leo kuanzia saa 1:00 usiku Uwanja wa Taifa, Dar es Salaam ikizikutanisha bingwa wa Ligi Kuu Simba SC na mshindi wa pili wa ligi hiyo ya Bara, Azam FC.

Hatua ya awali ya michuano hii, ilifanyika visiwani Zanzibar, lakini kutokana na timu zote za Bara kuingia fainali, makubaliano yalifikiwa kwa sababu za msingi, mechi ya mwisho ya michuano hiyo ifanyike Dar es Salaam.

Timu zote zililalamikia eneo la kuchezea mpira (pitch) la Uwanja wa Amaan kwamba ni baya na linasababisha wachezaji kuumia, hiyo ikawa sababu ya leo watu kuelekea Taifa.

Timu zote zilirejea Dar es Salaam juzi jioni na kuelekea kwenye kambi zao kwa maandalizi ya mwisho mwisho kabla ya kuibukia Taifa usiku wa leo.

Kocha wa Azam,
Stewart Hall

Kwa sasa, upinzani katika soka ya Tanzania upo kwa Simba na Azam ambao waligombea ubingwa wa Ligi Kuu msimu uliopita na ndio watakaoiwakilisha nchi kwenye michuano ya Afrika mwakani.

Simba ni timu kongwe yenye mashabiki mamilioni na leo maelfu ya mashabiki wake watakuwa uwanjani kuishangilia timu yao, lakini Azam japo ni timu changa na haina mashabiki wengi, itanufaika na utamaduni wa upinzani wa jadi katika soka ya Tanzania kwa maelfu ya mashabiki wa Yanga kuwapa sapoti leo.

Kwa sababu hiyo, suala la msisimko kwenye mchezo wa leo, halina mjadala- utakuwa wa hali ya juu sana.

Simba iliyoanzishwa zaidi ya miaka 70 iliyopita, ndio timu bora Tanzania hadi sasa, ikiwa imeweka rekodi ambazo hazijafikiwa na klabu nyingine nchini, wakiwemo wapinzani wao wa jadi, Yanga- kufika fainali ya Kombe la CAF 1993 na kufika Nusu Fainali ya Klabu Bingwa Afrika 1974.

Kocha wa Simba, Profesa
Milovan Cirkovick

Simba pia inaifuatia Yanga kwa kubeba ubingwa wa Ligi Kuu, ikiwa imetwaa mara 17, katika miaka ya 1966, 1973, 1976, 1977, 1978, 1979, 1980, 1984, 1990, 1994, 1995, 2001, 2003, 2004 na 2007 (Ligi Ndogo), 2010 na 2012. Yanga imechukua mara 22 katika miaka ya 1968, 1969, 1970, 1971, 1972, 1974, 1981, 1983, 1985, 1987, 1991, 1992, 1993, 1996, 1997, 1998, 2002, 2005, 2006, 2008 na 2009 na 2011.

Hadi sasa, Azam iliyoanzishwa mwaka 2004 na kupanda Ligi Kuu mwaka 2008, ina taji moja tu, ambalo ni Kombe la Mapinduzi ililolitwaa Januari 16, mwaka huu kwa kuifunga Jamhuri ya Pemba mabao 3-1 kwenye fainali, katika michuano ambayo ilivitoa vigogo Simba na Yanga kabla ya kupata tiketi ya kucheza mechi ya mwisho Uwanja wa Amaan, Zanzibar.

Simba iliingia fainali baada ya kuifunga Zanzibar All Stars 1-0, bao pekee la kiungo wake mpya kutoka Jamhuri ya Kidemokrasia ya Kongo (DRC), Patrick Kanu Mbivayanga, wakati Azam iliifunga Super Falcon 2-0, mabao ya mshambuliaji wake kutoka Ivory Coast, Kipre Herman Tcheche.

Katika mchezo wa leo, Haruna Moshi ‘Boban’ anaweza kuanzia benchi akitangulia Mbivayanga, wakati upo uwezekano chipukizi Abdallah Juma akaanza sambamba na Mussa Mudde, Mwinyi Kazimoto na Salim Kinje.

Kwa Azam, huenda mfungaji bora wa Ligi Kuu, John Bocco ‘Adebayor’ akapewa jezi kufuatia Gaudence Mwaikimba kuwa anatumikia adhabu ya kadi nyekundu aliyopewa kwenye Nusu Fainali, wakati Mrisho Ngassa anaweza kutokea benchi sambamba na Abdulhalim Humud.

Makocha wa timu hizo, Muingereza Stewart Hall wa Azam FC na Mserbia Profesa Milovan Cirkovick wote walitambiana jana kwamba kila mmoja ana matumaini ya kubeba Kombe hilo, ambalo bingwa atajinyakulia zawadi ya Sh, Milioni 10 na atakayefungwa atapata kifuta jasho cha Sh. Milioni 5.

Azam na Simba zitakazocheza pia Klabu Bingwa Afrika Mashariki na Kati sambamba na Yanga kuanzia mwishoni mwa wiki hii mjini Dar es Salaam, zitafungua pia pazia la Ligi Kuu ya Vodacom Tanzania Bara kwa kucheza mechi ya Ngao ya Jamii mwezi ujao.

Katika mchezo wa leo, kikosi cha Simba kinatarajiwa kuwa; Juma Kaseja, Shomary Kapombe, Amir Maftah, Lino Masombo, Juma Nyosso, Amri Kiemba, Mwinyi Kazimoto, Mussa Mudde, Abdallah Juma, Kanu Mbivayanga na Salim Kinje.

Azam; Deo Munishi ‘Dida’, Samir Hajji Nuhu, Ibrahim Shikanda, Said Mourad, Joseph Owino, George Odhiambo ‘Blackberry’, Ibrahim Mwaipopo, Kipre Michael Balou, Ramadhan Chombo ‘Redondo’, John Bocco ‘Adebayor’ na Kipre Herman Tcheche.

Simba wakijifua

REKODI YA SIMBA NA AZAM LIGI KUU:

Februari 11, 2012

Simba SC 2 - 0 Azam FC

Sept 11, 2011

Azam FC 0 - 0 Simba SC

Jan 23, 2011

Simba 2-3 Azam (Dar).

Sep 11, 2010

Azam 1-2 Simba (Tanga).

Machi 14, 2010

Azam 0-2 Simba (Dar)

Okt 24, 2009

Simba 1-0 Azam (Dar)

Machi 30, 2009

Azam 0-3 Simba (Dar)

Okt 4, 2008

Simba 0-2 Azam

ARSENAL WAKIWA MAZOEZINI LEO LONDON

WACHEZAJI wa Arsenal wakiwa mazoezini ya kujiandaa na msimu mpya katika Uwanja wa wazi wa London Colney leo. Picha hizi ni kutoka tovuti ya Arsenal. Gonga picha moja moja kutazama.

VAN PERSIE AFANYA MATANUZI JIRANI NA MANCHESTER, APIGA PAMBA ZA BLUU KAMA ZA CITY

ALIKUWA amevalia nguo za bluu Nahodha wa Arsenal, Robin van Persie alipokuwa kwenye 'matanuzi', lakini huo unaweza kuwa mwanzo wa kuvua jezi ya klabu yake msimu ujao?

Van Persie, ambaye amebakiza mwaka mmoja katika mkataba wake, anatakiwa na mabingwa wa Ligi Kuu ya England, Manchester City baada ya Mholanzi huyo kuonyesha dhamira ya kuondoka Emirates.

TABASAMU TUPU: Nahodha wa Arsenal akifurahia matanuzi na familia yake katika visiwa vya Formentera

KIFAMILIA ZAIDI: RVP anaweza kujiunga na mabingwa, Man City

Juventus na Manchester United pia zinamtaka mfungaji huyo bora wa Ligi Kuu, mwenye umri wa miaka 28, ambaye alipigwa picha akila raha na familia yake.

Tofauti na wachezaji wenzake wengi wa Ligi Kuu, Mholanzi huyo ambaye alivurunda kwenye Michuano ya Kombe la Mataifa ya Ulaya, alikuwa akijiachia katika visiwa Ibiza.

Lakini Van Persie hakuwa mbali na na tukio, akijirusha huko Formentera – kisiwa kidogo kinachofahamika vizuri kama Ibiza.

Hata kama atachezea United, ni oua na mdomo kwa ukaribu, ingawa mustakabali wake bado haujafikiwa na Arsene Wenger anataka kumaliza suala la Van Persie haraka iwezekanavyo.

Kwa mujibu wa taarifa kutoka Sportsmail leo, Wenger amewaambia Arsenal anataka suala la uhamisho wa mchezaji huyo limalizwe haraka - hata ikiwa atamuuza mpachika mabao wake huyo tegemeo.

Kocha huyo wa Arsenal, anataka kuzungumza ana kwa ana na Van Persie katika siku chache zijazo, kujaribu kumshawishi asaini mkataba mpya. Lakini kama atashindwa kufanya hivyo, Wenger anataka amuuze haraka mshambuliaji huyo.

Mfaransa huyo ni bora achukue fedha katika wakati ambao atapata fursa ya kusajili naye wakali wengine, kuliko kama ilivyokuwa mwaka uliopita, wakati alipowauza Cesc Fabregas na Samir Nasri karibu na kufungwa kwa dirisha la usajili na kuathiri maandalizi yake ya msimu mpya.

Wanataka zaidi ya pauni Milioni 30 kumuuza nyota huyo wa Uholanzi, lakini umri wa Van Persie na ukichanganya na ukweli kwamba amebakiza mwaka mmoja tu kwenye mkataba wake, ina maana wanastahili kumuuza kwa bei mbaya sana, pauni Milioni 20