STARS YAWASILI SALAMA AFRIKA KUSINI.

Taifa Stars

 

 

Johannesburg

 

Kikosi cha Taifa Stars kimewasili salama juzi (Julai 30 mwaka huu) huko Johannesburg kwa ajili ya maandalizi ya mwisho kabla ya kwenda Maputo, Msumbiji kwa ajili ya mechi dhidi ya Mambas itakayochezwa Jumapili.

Stars inayodhaminiwa na Kilimanjaro Premium Lager imefanya mazoezi mara mbili jana asubuhi na jioni kwenye uwanja wa Bedfordview Country Club. Mazoezi ya mwisho yanafanyika leo asubuhi (Agosti 1 mwaka huu) kabla ya baadaye jioni kuanza safari ya Maputo.

Wakati huo huo, Balozi wa Tanzania huko Afrika Kusini, Razia Msuya jana jioni alizitembelea timu zote mbili za Tanzania zilizopo huko Johannesburg kusalimia wachezaji.

Serengeti Boys yenyewe ipo huko tangu Julai 27 kwa ajili ya mechi dhidi ya Afrika Kusini itakayochezwa Jumamosi (Agosti 2 mwaka huu).

Boniface Wambura

Ofisa Habari na Mawasiliano

Shirikisho la Mpira wa Miguu Tanzania (TFF)

+27609217526