WACHEZAJI TAIFA STARS WAPEWA 'NENO' NA MKUU WA MKOA DAR

WACHEZAJI TAIFA STARS WAPEWA 'NENO' NA MKUU WA MKOA DAR

Mkuuwa Mkoa wa Dar es Salaam, Meckysadik kulia akimkabidhi bendera, Nahodha wa Taifa Stars, Juma Kaseja kushoto katika hoteli ya Tansoma asubuhi ya leo. Anayemfuatia Meckysadik ni Kocha wa Stars, Kim Poulsen.

MKUU wa Mkoa wa Dar es Salaam, Said Meckysadik amewataka wachezaji wa timu ya soka ya taifa ya Tanzania, Taifa Stars kuhakikisha wanadumisha viwango vyao kama wachezaji wa nchi nyingine, badala ya desturi iliyozoeleka ya wachezaji wa nchi hii ‘kufulia’ mapema kisoka.

‘Bosi’ huyo wa Jiji la Dar es Salaam, ameyasema hayo mchana wa leo kwenye hoteli ya Tansoma, eneo la Gerezani, Kariakoo katika hafla fupi ya kuwaaga wachezaji wa Taifa Stars na kuwakabidhi bendera kwa ajili ya mchezo wa kuwania tiketi ya kucheza Fainali za Kombe la Mataifa ya Afrika mwakani nchini Afrika Kusini, dhidi ya Msumbiji Jumapili mjini Maputo.

“Nawaomba mjitahidi kudumisha viwano vyenu kama ilivyo wachezaji wa wenzetu, wanacheza mpira kuanzia wana miaka 18 na wanaendelea hadi wakifika miaka 30, sasa naomba na nyinyi iwe hivyo, siyo kama ilivyo sasa, mchezaji wa Tanzania anaibuka, baada ya mwaka mmoja au miwili anapotea,”alisema.

Pamoja na hayo, kuelekea mchezo huo na Msumbiji Jumapili, ambao Stars inatakiwa itoke sare ya 2-2 au zaidi ili kusonga mbele, baada ya awali kulazimishwa sare ya 1-1 na Mambas mjini Dar es Salaam, Mkuu huyo wa Mkoa amewataka Stars wakapiganie ushindi.

“Mimi huwa sipendi haya mambo ya kupigiana mahesabu, siyo mazuri. Kama sasa hivi kwenye Euro 2012 kuna timu zinapigiana mahesabu, kwa sababu zimelingana kila kitu. Mimi ninataka mkashinde, kapiganieni ushindi,”alisema Meckysadik.

Mapema, Rais wa Shirikisho la Soka Tanzania (TFF), Leodegar Chillah Tenga aliwaambia wachezaji wa Taifa Stars kwamba, mwanafunzi mzuri ni yule anayeendelea kujifunza kila siku kwa juhudi na si yule anayejiona tayari amejua na kubweteka.

Kwa sababu hiyo, Tenga akawataka Stars wakacheze kwa juhudi zaidi Msumbiji na si kujiona wamefuzu baada ya kuifunga Gambia, mabao 2-1 Jumapili katika mchezo wa Kundi C, kuwania tiketi ya kucheza Fainali za Kombe la Dunia mwaka 2014.

Kwa upande wake, kocha wa Taifa Stars, Mdenmark Kim Poulesen amesema kwamba wanaelekea kwenye mchezo mgumu, lakini watapigana kwa juhudi kupata ushindi, ili kufanikiwa kuingia kwenye hatua ya makundi katika kuwania tiketi ya Afrika Kusini 2013.

Poulsen ambaye huo, utakuwa mchezo wake wa nne tangu aanze kazi akirithi mikoba ya Mdenmark mwenzake, Jan Poulsen baada ya awali kuiongoza timu hiyo katika sare ya 0-0 na Malawi Dar es Salaam, kichapo cha 2-0 kwa Ivory Coast mjini Abidjan na ushindi wa 2-1 na Gambia, amesema vijana wake wanaendelea kuimarika kila kukicha na ana matumaini nao makubwa.

Anasikitika tu jana kiungo Salum Abubakar ‘Sure Boy Jr.’ aliumia mazoezini, ingawa amesema anaendelea na matibabu na wataenda naye Msumbiji.

Kwa upande wake, Nahodha Juma Kaseja alisema kwamba wanatambua ugumu wa mchezo huo kwao, lakini watakwenda kupigana ‘kufa na kupona’. Kaseja amesema kwamba soka siyo tufe kwamba kila siku liko vile vile, bali inabadilika na sasa timu yao imebadilika mno na Watanzania watarajie matokeo mazuri Jumapili.

STARS YAKABIDHIWA BENDERA TAYARI KUUA MAMBA

Mkuu wa Mkoa wa Dar es Salaam, Said Meckysadik (pichani kulia) asubuhi hii ameibakidhi bendera timu ya soka ya taifa ya Tanzania, Taifa Stars katika kambi yao, hoteli ya Tansoma, eneo la Gerezani, Dar es salaam kwa ajili ya safari yao ya Msumbiji kesho kucheza na wenyeji, Mambas Jumapili katika mechi ya kuwania tiketi ya kucheza Fainali za Mataifa ya Afrika mwakani nchini Afrika Kusini.

Beki Kelvin Yondan

Kiungo mkabaji Frank Damayo

Mabakidhiano ya bendera

Katibu wa TFF, Angetile Osiah akkzungumza

Rais wa TFF, Leodegar Tenga akizungumza

Kocha wa Taifa Stars, Kim Poulsen akijadiliana na Msaidizi wake, Sylvester Marsh

Kiungo Haruna Moshi 'Boban' akisikiliza kwa makini

Mkuu wa Mkoa wa Dar es Salaam, Said Meckysaidk akizungumza kwa hisia

Kocha wa makipa wa Taifa Stars, Juma Pondamali kushoto akiwa Msemaji wa Azam FC, Jaffar Iddi

MASTAA AZAM FC WAKITANUA VIFUA KATIKA GYM LA KISASA CHAMAZI

Asubuhi ya leo, BIN ZUBEIRY ilitembelea kambi ya Azam FC, Chamazi, nje kidogo ya Jiji la Dar es Salaam na kuwakuta wachezaji wa timu hiyo, itakayoiwakilisha Tanzania kwenye Kombe la Shirikisho la Soka Afrika mwakani wakijifua kwa mazoezi ya kujenga miili chini ya makocha wao, Waingereza, Stewart Hall na Msaidizi wake, Kalimangonga Sam Daniel Ongala kwenye gym kali na ya kisasa ya klabu hiyo, iliyopo ndani ya Uwanja wao, Chamazi. Cheki picha hizo.

Kocha Stewart akiinua nondo

Add caption

Luckson Kakolaki

Kipre Tchetche

Said Mourad

Gaudence Mwaikimba

Zahor Pazi

Odhiambo Blackberry

Kipre Balou

Kutoka kushoto, Ibrahim Shikanda, Himid Mao na Ibrahim Mwaipopo

Kutoka kulia Jabir Aziz, Ramadhan Chombo na ...

Kali Ongala akimuelekeza Ibrahim Mwaipopo, kushoto ni Mao

Wednesday, June 13, 2012

JUVENTUS WAANZA MAZUNGUMZO NA VAN PERSIE, MSHENGA NEDVED

Van Persie

Tetesi za Alhamisi magazeti Ulaya

JUVE WAANZA MZUNGUMZO NA VAN PERSIE, MSHENGA NEDVED

KLABU ya Juventus imempeleka Mkurugenzi wake na mchezaji wake wa zamani, Pavel Nedved akakutane mshambuliaji wa Arsenal, Robin van Persie, mwenye umri wa miaka 28, kujadili suala la kuhamia kwake Turin.

Habari kamili: Metro

KLABU za Manchester City na Chelsea zinakabaliwa na upinzani wa mabingwa wa Serie A, Juventus katika kuwania saini ya mshambuliaji wa Napoli, Edinson Cavani, mwenye umri wa miaka 25.

Habari kamili: talkSPORT

Salomon Kalou atatua Liverpool

MSHAMBULIAJI wa zamani wa Chelsea, Salomon Kalou, mwenye umri wa miaka 26, atakuwa wazi kwenda Liverpool kuungana na kocha wa zamani wa The Blues, Brendan Rodgers, kwa mujibu wa wakala wa mchezaji huyo.

Habari kamili: Liverpool Echo

KLABU ya Liverpool imeambiwa kwamba mshambuliaji mwingine wanayemtaka wa Barcelona, Cristian Tello, mwenye umri wa miaka 20, atawagharimu pauni Milioni 7.

Habari kamili: Daily Mail

KLABU ya Chelsea inamtaka mshambuliaji wa Malaga, Salomon Rondon, mwenye umri wa miaka 22, ili arithi mikoba ya Didier Drogba.

Habari kamili: Metro

KLABU ya West Ham inajiandaa kumsajili mshambuliaji wa Blackburn, Yakubu, mwenye umri wa miaka 29, ambao anaweza kuwagharimu The Hammers pauni Milioni 1.

Habari kamili: The Sun

MOYES KUMRITHI HARRY SPURS

David Moyes kurithi mikoba ya Harry Redknapp

KLABU Ya Tottenham ina mpango wa kumchukua kolcha wa Everton, David Moyes ili mbadala wa Harry Redknapp, aliyetupiwa virago.

Habari kamili: Daily Mirror

KOCHA wa zamani wa Charlton, Alan Curbishley na kocha wa zamani wa Hull na Preston, Phil Brown wote wamo kwenye orodha ya walimu wanaotarajiwa kurithi mikoba ya Chris Hughton katika klabu ya Birmingham City.

Habari kamili: Daily Mail

MKURUGENZI wa akademi ya Crewe, Dario Gradi anaamini mchezaji mpya wa Manchester United, Nick Powell, mwenye umri wa miaka 18, ana dalili za kutosha za kuwa kama Eric Cantona au Wayne Rooney kwa mafanikio kwa Mashetani hao Wekundu.