NIYONZIMA ALETA BONGE LA STRIKER YANGA

 

MICHAEL MOMBURI KIUNGO mahiri wa Yanga, Haruna Niyonzima 'Fabregas' ameushawishi uongozi wa timu hiyo kumsainisha straika Meddy Kagere anayemaliza mkataba na timu ya Polisi ya Rwanda. Gazeti la Mwanaspoti limeandika jana kwamba Fabregas, ambaye alitamba na Yanga msimu uliopita amezungumza na viongozi wanaowezesha usajili wa Jangwani na kuwaambia kuwa Kagere ni bonge la straika na anaweza kufanya kazi kubwa msimu ujao. Kiungo huyo alizungumza na Mwanaspoti kutoka Lagos, Nigeria ambako timu yake ya Rwanda itacheza na Super Eagle leo Jumamosi na kusema; "Kagere ni straika mzuri sana nimekaa naye timu ya taifa namuona anavyocheza ni aina ya mchezaji ambaye Yanga inastahili kuwa naye." "Viongozi wa Yanga wamezungumza naye na mambo yanakwenda vizuri, nadhani tukirudi Rwanda wanaweza kumalizana naye. Ni mchezaji mwenye juhudi sana anayeweza kupunguza tatizo la mabao hapo Yanga, ana juhudi sana halafu si mtu wa kukubali kushindwa kirahisi. "Akifanya kazi kwa uwezo wake wote ninaoujua mimi, tutafika mbali na atang'ara sana na Yanga hata kwenye ligi ya Tanzania atakubalika upesi sana, ngoja akifanikiwa kuja utakubali maneno yangu," alisema Fabregas. Mmoja wa viongozi wa jopo la usajili alikiri kuwa Fabregas amewahakikishia wakimsajili mchezaji huyo wameula na atafanya kazi. Aliongeza kuwa bado wanaendelea na mazungumzo ya kupata beki wa kati kutoka kwenye timu ya taifa ya Kenya au Uganda na mkakati mwingine ni kuhakikisha wanamalizana na Kagere ambaye aliwahi kuitolea nje Gor Mahia ya Kenya. Ingawa tayari wametua Dar es Salaam, lakini Yanga imepanga kuachana na mastraika wake Davies Mwape wa Zambia na Kenneth Asamoah wa Ghana ili kusajili wapya wawili kutoka nje; Kagere akiwa miongoni. Simon Msuva wa Moro United ndiye straika pekee mzalendo ambaye Yanga imeshamsajili hadi sasa safari hii.

MHARIRI GAZETI LA BINGWA AFARIKI DUNIA

Mhariri Mkuu wa gazeti la Jambo Leo, Willy Edward (kushoto)
akipokea tuzo maalumu kutoka kwa Mkurugenzi Mkuu, Ofisi ya
Waziri Mkuu Jamhuri ya Uturuki (Idara ya Habari na Maelezo),
Murat Karakaya iliyotolewa kwa niaba ya Naibu Waziri Mkuu
Uturuki, Bulent Arinc aliyemwakilisha Waziri Mkuu wa nchi
hiyo, Recep Tayyip Erdogan, baada ya kuwasilisha mada katika
mkutano wa Jukwaa la Vyombo vya Habari Afrika na Uturuki
kuhusu 'Vyombo vya Habari kama kichocheo cha ushindi wa vita
dhidi ya migogoro na ugaidi' mjini Ankara, Uturuki wiki
iliyopita. Mkutano huo ulioandaliwa na ofisi ya Waziri Mkuu,
ulishirikisha wawakilishi wa vyombo vya habari na wadau
wengine kutoka nchi 54 za Afrika.

MHARIRI wa Jamboleo, Willy Edward Ogunde amefariki dunia mjini Morogoro usiku wa kuamkia leo (saa 6.30) usiku.

Taarifa ya Neville Meena, Katibu wa Jukwaa la Wahariri Tanzania, imesema kwamba Willy aliyewahi kuwa Mhariri wa gazeti la BINGWA, pamoja na wahariri wengine walikuwa mjini Morogoro ambako walikwenda kuhudhuria mkutano wa masuala ya sensa iliyoandaliwa na Ofisi ya Taifa ya Takwimu (NBS).

Mara baada ya semina hiyo alikwenda kuwaona watoto wake na alikuwa huko hadi saa sita usiku alipomwita dereva wa pikipiki afike kumchukua kwa lengo la kurejea katika hoteli alikokuwa amefikia. Baada ya kutoka nje, na hatua sita hivi kabla ya kufika pikipiki ilipokuwa, alianguka.

Ndugu zake walimkimbiza hosipitali lakini walipofika na daktari kumpima, tayari alikuwa “amenyamaza” yaani amefariki dunia. Taratibu za kusafirisha mwili wa marehemu kwenda Dar es Salaam zinafanywa.

Tutamkumbuka daima kwa upole na unyeyekevu wake. Kweli Willy ametuacha, ni pigo kwa taaluma yetu, ni pogo katika Jukwaa la Wahariri. Poleni kwa familia ya Willy Edward Ogunde, pole kwa wahariri wote na pole kwa tasnia nzima ya habari. Bwana alitoa na Bwana ametwaa, jina lake lihimidiwe.

PREVIEW STARS V MAMBAS; VIJANA LAZIMA WASHINDE LEO

Kikosi cha Stars kilichoiua Gambia Jumapili Taifa.

Na Prince Akbar

TIMU ya soka ya taifa ya Tanzania, Taifa Stars leo ina kibarua kigumu mjini Maputo, Msumbiji wakati itakapokuwa ikimenyana na wenyeji, Mambas katika mchezo wa kuwania tiketi ya kucheza Fainali za Kombe la Mataifa ya Afrika mwakani nchini Afrika Kusini.

Taifa Stars, ambayo kwenye mechi ya kwanza ililazimishwa sare ya 1-1 mjini Dar es Salaam, inatakiwa lazima kushinda au japo ikikwama kabisa itoe sare ya mabao yasiyopungua 2-2 au zaidi.

Taifa Stars inaonekana kuimarika kwa sasa na si sawa na ile iliyomenyana na Mambas Febrauri 29, mwaka huu na kutoka sare ya 1-1.

Ofisa Habari wa Shirikisho la Soka Tanzania (TFF), Boniphace Wambura Mgoyo ameiambia BIN ZUBEIRY asubuhi ya leo kutoka Maputo kwamba, tayari Kocha Mkuu wa Taifa Stars, Kim Poulen ametaja kikosi chake kitakachoanza mechi ya leo na katika safu ya ushambuliaji amewapanga pamoja washambuliaji wa Tout Puissant Mazembe ya Jamhuri ya Kidemokrasia ya Kongo (DRC), Mbwana Ally Samatta na Thomas Emmanuel Ulimwengu.

Katika mechi hiyo itakayochezwa kwenye Uwanja wa Taifa ulioko Zimpeto nje kidogo ya Jiji la Maputo kuanzia saa 9:00 kamili kwa saa za huko sawa na saa 10:00 kwa saa za kwetu, Poulsen amemuacha benchi beki Amir Maftah na atamuanzisha Erasto Nyoni katika beki ya kushoto.

Safu ya ulinzi ya Stars itaongozwa na mlinda mlango na Nahodha wa timu hiyo,

Juma Kaseja, wakati Shomari Kapombe atacheza beki ya kulia, kushoto Erasto Nyoni, waakti katikati watasimama Mwanasoka Bora wa Tanzania, Aggrey Morris na Kelvin Yondani.

Ameweka viungo wakabaji wawili, Shaabani Nditi atakayecheza chini na Frank Damayo atakayecheza juu wakati huo huo Mwinyi Kazimoto atacheza kushoto na Mrisho Ngassa kulia, wakati washambuliaji ni Ulimwengu na Samatta.

Maana yake leo, kutokana umuhimu wa Stars kutoruhusu bao leo huku ikisaka mabao, Poulsen amemuweka Damayo na Nditi ili wakabe sana, wakati Mwinyi na Ngassa watakuwa na kazi ya upishi.

Ulimwengu ana sifa ya kuwa nguvu na uwezo wa kukokota mpira, wakati Samatta anakimbiza na uwezo wa kuwatoka mabeki kwa chenga, kuwakokota na pia ni mjanja mno.

Dhahiri Stars itatawala mchezo leo, kwa sababu Ngassa ana uwezo mkubwa wa kushambulia- hivyo ni sawa na kucheza na washambuliaji watatu wakati Mwinyi atakuwa akiwachezesha washambuliaji hao.

Damayo na Nditi, wote pamoja na kuwa wakabaji, lakini pia ni watoaji wazuri wa pasi ndefu na fupi.

Kama ilivyokuwa kwenye mechi na Gambia Jumapili iliyopita, kuna uwezekano kiungo ‘fundi’ Haruna Moshi ‘Boban’ akatokea benchi kipindi cha pili kwenda kuimarisha safu ya ushambuliaji na dhahiri atachukua nafasi ya Ulimwengu.

Stars ikishinda mechi ya leo, itapangwa kwenye Kundi kucheza mtindo wa ligi kuwania tiketi ya kucheza fainali za AFCOn mwakani, ambazo zinakuja mapema ili kukwepa kugongana na Fainali za Kombe la Dunia mwaka 2014.

Kila la heri Taifa Stars. Mungu ibariki Tanzania.

POULSEN ATAJA 11 WANAOANZA LEO, ULIMWENGU NA SAMATTA KUONGOZA MASHAMBULIZI

Kim Poulsen

KOCHA Mkuu wa Taifa Stars, Kim Poulen ametaja kikosi chake kitakachoanza mechi ya leo dhidi ya Msumbiji (The Mambas) itakayochezwa Uwanja wa Taifa ulioko Zimpeto hapa Maputo. Mechi itaanza saa 9 kamili kwa saa za hapa ambapo nyumbani

Tanzania itakuwa saa 10 kamili.

Stars inaundwa na;1. Juma Kaseja, 20. Shomari Kapombe, 22. Erasto Nyoni, 6. Aggrey Morris, 5. Kevin Yondani, 19. Shaabani Nditi, 8. Mrisho Ngasa, 16. Frank Domayo, 11. Thomas Ulimwengu, 10. Mbwana Samata na 15. Mwinyi Kazimoto.

Wachezaji wa akiba;18. Deogratias Munishi, 17. Amir Maftah, 13. Jonas Mkude, 3. Haruna Moshi, 12. Simon Msuva, 9. Christopher Edward, 14. John Bocco, 7. Ramadhan Singano na 21. Nurdin Bakari.

Benchi la Ufundi;
Kim Poulsen (Kocha Mkuu), Sylvester Marsh (Kocha Msaidizi), Juma Pondamali (Kocha wa Makipa), Leopold Tasso (Meneja wa Timu), Dk. Juma Mwankemwa (Daktari wa Timu), Dk. Frank Mhonda (Physiotherapist) na Alfred Chimela (Mtunza Vifaa).

Refa: Bennett Daniel (Afrika Kusini)
Refa Msaidizi 1; Molefe Enock (Afrika Kusini)
Refa Msaidizi 2; Siwela Zakhele Thusi (Afrika Kusini)
Refa wa Akiba; Hlungwani Tinyiko Victor (Afrika Kusini)
Kamishna wa Mechi; Mateus Joel Amdhila (Namibia)

ARSENAL WAKUBALI KUMUUZA VAN PERSIE BEI POA TU, WALCOTT NAYE HUYOOOOO

Van Persie kulia na Walcott

17 June 2012Last updated at 06:19 GMT

9

• Share
• Facebook
• Twitter

• print

Tetesi za J'pili magazeti ya Ulaya

ARSENAL WAKUBALI KUMUUZA VAN PERSIE PAUNI MILIONI 30

HATIMAYE klabu ya Arsenal imekubali kumuuza mshambuliaji wake Robin van Persie, mwenye umri wa miaka 28, kwa dau la pauni Milioni 30 - na winga wa Washika Bunduki hao, Theo Walcott, mwenye umri wa miaka 23, anaweza pia kumfuata Mholanzi huyo katika mlango wa kutokea.

Habari kamili: Sunday Mirror

KOCHA wa Arsenal, Arsene Wenger amepanga kusajili wachezaji wawili wa Ufaransa, Olivier Giroud, mwenye umri wa miaka 25, na Yann M'Vila, mwenye umri wa miaka 21.

Habari kamili: Sunday Express

KOCHA Mreno, Jose Mourninho atajaribu kuinasa saini ya kiungo mchezeshaji wa kimataifa wa Hispania, David Silva, mwenye umri wa miaka 26, ambaye kwa sasa anachezea klabu bingwa England, Manchester City ili ahamishie cheche zake Real Madrid.

Gylfi Sigurdsson.

Habari kamili: the Sun

KLABU ya Manchester United inamuwania kiungo wa klabu ya Hoffenheim, Gylfi Sigurdsson, mwenye umri wa miaka 22, huku kocha Sir Alex Ferguson akitunisha misuli ili kuipiku Liverpool inayomuwania pia.

Habari kamili: Caught Offside

KLABU ya Manchester United inataka kutumia fursa ya kufukuzwa kazi kwa Harry Redknapp katika klabu ya Tottenham kwa kusajili wachezaji wawili wa klabu hiyo ya London, kiungo Luka Modric, mwenye umri wa miaka 26, na winga Gareth Bale, mwenye umri wa miaka 22.

Habari kamili: Metro

KLABU ya Tottenham inapambana kuipiga bao Newcastle katika mbio za kuwania saini ya winga wa Manchester United, kindaEzekiel Fryers, mwenye umri wa miaka 19, baada ya beki huyo kugoma kuendelea kuichezea klabu hiyo mkataba wake utakapoisha mwezi ujao.

Habari kamili: Sunday Mirror

MSHAMBULIAJI Daniel Sturridge, mwenye umri wa miaka 22, anataka kuondoka Chelsea baada ya kukosa Euro 2012, huku Arsenal, Manchester City, Tottenham na Liverpool zote zikiwa tayari kumsajili.

Habari kamili: Sunday Mirror

KLABU ya QPR itakamilisha mpango wa kumsajili kipa wa West Ham, Robert Green wakati mlinda mlango huyo mwenye umri wa miaka 32-akiwa kwenye Fainali za Kombe la Mataifa ya Ulaya, Euro 2012.

Habari kamili: Mail on Sunday

KLABU ya West Ham ipo kwenye mazungumzo na Juventus kwa ajili ya winga Eljero Elia, mwenye umri wa miaka 25, na wanajadili pia uhamisho wa mshambuliaji Luc Castaignos, mwenye umri wa miaka 19, na Inter Milan.

Habari kamili: Football Italia

TETESI ZA EURO 2012

MSHAMBULIAJI wa Hispania, Alvaro Negredo amesema kwamba mabingwa hao wa dunia na Ulaya ni bora wakutane kuliko Ufaransa katika Robo Fainali.

Christian Eriksen aliripotiwa kutakiwa na Manchester United, Manchester City, Arsenal na Chelsea

Habari kamili: Mail on Sunday

GWIJI wa Denmark, Jan Molby amesema kwamba kiwango kibovu cha Christian Eriksen katika Euro 2012 kinadhihirisha mwanasoka huyo wa kimataifa wa Denmark hayuko tayari kuhamia klabu kubwa Ulaya.

Habari kamili:

BEKI wa Croatia, Vedran Corluka, mwenye umri wa miaka 26, bado anataka kuondoka Tottenham licha ya kuondoka kwa kocha Harry Redknapp.

Habari kamili: the Sun

AVB APEWA MIAKA MIWILI SPURS

KOCHA wa zamani wa Chelsea, Andre Villas-Boas ameripotiwa kupewa mkataba wa miaka mitatu na Tottenham akarithi mikoba ya Harry Redknapp.

Habari kamili: talkSPORT

Laurent Blanc.

KOCHA wa Ufaransa, Laurent Blanc naye anatajwa kuwa mbioni kumpiga bao Villas-Boas katika kuwania kurithi mikoba ya Harry Redknapp kama kocha wa Spurs. Habari kamili: Sunday Mirror

NDOTO za Tottenham kumnasa David Moyes zimeingia dalili za kuyeyuka baada ya kocha huyo kuwa katika mpango wa kusaini mkataba mpya na Everton.

Habari kamili: Sunday Express

KLABU ya Tottenham ilijiandaa kumtupia virago Harry Redknapp tangu miezi sita iliyopita.

Habari kamili: Sunday Mirror

MCHEZAJI anayewaniwa na Arsenal, Alan Dzagoev, mwenye umri wa miaka 21, mshambuliaji wa kimataifa wa Urusi, amesema kwamba yuko tayari kwa dili hilo la kumtoa CSKA Moscow ya nyumbani kwao.

Habari kamili: talkSPORT

KIUNGO wa Manchester United, Luis Nani, mwenye umri wa miaka 25, anahofia anaweza kulazimika kuondoka Manchester United kutokana na klabu hiyo kusuasua kumpa mkataba mpya.

Habari kamili: Sunday Mirror

HAPPY BIRTH DAY MY DEAR FRIEND JIDEEEE

Zawadi ilikuwa ni kutoka kwa Swahiba wangu Peter

Tulikuwa wa nne ilipogonga saa 6 kamili usiku

Ni siku yangu kubwa sina budi kujidai

"IT'S MY BIRTHDAY"

Ndio New Year kwangu

MUNGU ndio alieamua niwepo tena, namshukuru sana

Me, Ibra and Khadija "GOBOS United"

Mazuri machache ya kuwahusia ni haya:

Msivunjwe mioyo na waliokwisha vunjika mioyo

Maana hawana matumaini na hawatakuwa na busara za kuwashauri.

Msikatishwe tamaa na waliokwisha kata tamaa, maana hawakumbuki nyuma na mbele wanaona giza.

Mawazo na maneno yao yatakuwa ni ya kusitisha safari yako isifikie mafanikio

RESPECT TO MY MAMA "MARTHA MBIBO"

NI zaidi ya mwanamke.

Party itakuwa Nyumbani Lounge karibuni tujumuike

Chuma hakiunguzwi na moto wa Kiberiti

Ila kinapata moto tu

MUCH LOVE

JIDE

MADENT DAR INDEPENDENT NI NOMA, CHEKI MAVITUZ YAO

01: Michael Kapinga akionyesha umahiri wa kuonyeshakipaji cha kuimba

wimbo wa I tried ulioimbwa na Akon na Bone Thugz, wakati wa hafla ya

kujipongeza kwa wanafunzi wa shule ya sekondari ya Dar es Salaam

Independent iliyo jijini Dar es Salaam,kwa kuhitimu kidato cha Nne na

cha Sita ,Hafla hiyo iliandaliwa na Saida Kapinga wa Elements Events.

02;Wanafunzi wa Shule ya Sekondari ya Dar es Salaam Independent iliyo

jijini Dar es Salaam,Owen Karonga na Carine Maro ambao waliibuka

washindi kwaa kuwanadhifu katika hafla ya kujipongeza kwa kumaliza elimu

ya kidaoto cha Nne na cha sita iliyofanyika katika Ukumbi wa Litre

Theatle Oysterbay ,Kulia ni Mkurugenzi wa Elements Events Saida Kapinga

ambaye ndiyealiyeandaa hafla hiyo.kushoto ni Mwalimu wa Wanafunzi hao.

03; Baadhi ya wanafunzi wa shule ya sekondari ya Dar es Salaam

Independent ya jijini Dar es Salaam, wakionyesha vipaji vyao vya

kusakata muziki wakati wa hafla ya kujipongeza kwa kumaliza elimu ya

kidaoto cha Nne na Sita iliyoandaliwa na Kampuni ya Elements Events

katika Ukumbi wa Litre Theatle.

04.Wanafunzi wa Shule ya sekondari ya Dar es Salaam Independent ya

jijini Dar es Salaam,carine Maro ambaye aliipuka Mshindi wa kuvaa

vizuri kwa upande wa wasichana na Owen Maronga ambaye pia aliibuka

mshindi kwa upande wa wanaume wakionyesha vipaji vyao vya kusakata

muziki wakati wa hafla ya kujipongeza kwa kumaliza elimu ya Kidato cha

Nne na Cha sita hafla hiyomiliandaliwa na Elements Events ya jijini Dar

es Salaam.

05.Michael Kapinga akihojiwa na Mon Rack (kulia) baada ya kuonyesha

kipajhi cha hali ya juu cha kuimba,wakati wa hafla ya kujipongeza kwa

kumaliza elimu ya kidaoto cha Nne na Sita iliyoandaliwa na Kampuni ya

Elements Events iliyofanyika katika Ukumbi wa Litre Theatle Dar es

Salaam