RONALDO GUNDU LAANZA MAPEMAAA, AKOSA PENALTI URENO IKIPIGWA 3-1 NYUMBANI

Football | Uefa Euro 2012^TM

URENO ilipoteza nafasi kibao, ikiwemo Cristiano Ronaldo (pichani juu kushoto) kukosa penalti, katika mchezo ambao walitandikwa mabao 3-1 nyumbani na Uturuki jana, kujiandaa na Fainali za Kombe la Mataifa ya Ulaya, Euro 2012.

Kipigo hicho kinamaanisha kwamba, Ureno itaingia kwenye Euro 2012 baada ya kucheza mechi tatu bila kushinda hata moja. Pia walitoka sare ya 0-0 na Macedonia wiki iliyopita na wakatoka sare na wenyeji washirika wa Euro, Poland mwezi Februari. Ureno wapo Kundi B pamoja na timu kali tupu, Ujerumani, Uholanzi na Denmark.

MESSI NA ARGENTINA WAUA 4-0 KOMBE LA DUNIA

Football | World Cup 2014

Lionel Messi kazini jana

UAMUZI wa Argentina kutumia washambuliaji wake wote wanne 'babu kubwa' umezaa matunda, baada ya jana kufanikiwa kupata ushindi wa 4-0 dhidi ya Ecuador hivyo kuongoza mbio za kuwania tiketi ya kucheza Fainali za Kombe la Dunia mwaka 2014 nchini Brazil kwa nchi za Amerika Kusini.

Sergio Aguero, Gonzalo Higuain, Lionel Messi na Angel Di Maria wote walifunga mabao katiuka mchezo ambao, Argentina walipata mabao matatu ndani ya dakika 11 za kipindi cha kwanza.

Messi, alionyesha soka safi mno pengine kuliko anayoonyesha Barcelona na alikuwa nyota ya mchezo huo uliopigwa kwenye Uwanja wa Monumental, mjini Buenos Aires.

"Tunatakiwa kuwa timu ngumu, imara katika ulinzi na hiyo itamfanya Lionel afanye mavitu yake kwa uhuru," alisema Alejandro Sabella.

Argentina inaongoza kundi la Amerika Kusini kwa pointi zake 10, baada ya kucheza mechi tano, ikiizidi pointi moja tu Chile, ambayo iliifunga Bolivia 2-0 mjini La Paz, na mbili zaidi dhidi ya Uruguay na Venezuela waliotoka sare ya 1-1 mjini Montevideo.

Pamoja na hayo, Argentina inawezwa kupitwa mwishoni mwa wiki ijayo, wakati wakicheza mechi ya kirafiki na wapinzani wao wakubwa na wenyeji wa fainali zijazo za Kombe la Dunia, Brazil nchini Marekani.

WATANZANIA WASHIRIKI MBIO ZA VITA DHIDI YA SARATANI YA MAZIWA MAREKANI

Wananchi hao wakiwemo waTanzania walikusanyika katika viwanja vya Down Town Washington DC siku ya Jumamosi June,2,2012 katika kuitikia wito wa kuunga mkono wanawake ambao wanakabiliwa na ugonjwa wa saratani ya maziwa, utafiti na elimu dhidi ya ugonjwa huo

(Picha maelezo na swahilivilla.blogspot.com)

Tukio hili liliaza kwa matembezi ya vikundi vya mataifa mbali mbali wanaoishi hapa nchini marekani

Watembeaji wengi waliohudhuria katika matimbizi hayo kutoka majimbo mbali mbali nchini Marekani

Maradhi ya saratani ya maziwa yanakisiwa kuwadhuru watu 25 milioni kote ulimwenguni ambapo kama hatua haitochukuliwa inakisiwa watu milioni 10 kufa katika kipindi cha miaka 25 ijayo.

Kina dada wwakiwa katika matembezi ya kupiga vita ogonjwa wa saratani ya maziwa siku ya Jumamosi June,2,2012 ndani ya washington D.C nchini Marekani.

Rais wa Jumuia ya waTanzania DMV Mh. Iddi Sandaly, wakwanza kushoto, Waheeda Margaret Gathesha, Chief wa swahilivilla Abou Shatry, Aunt Rehema, pamoja na Salma Jay Jay pia alikuwepo katika matembezi ya kupigana na ujongwa wa saratani ya maziwa hapa Washington DC.

Wazawa wa kitanzania wanaoishi nchini marekani wakiwa katika matembezi ya kupiga vita ogonjwa wa saratani ya maziwa mapema leo jumamosi June,4,2011 ndani ya washington D.C nchini marekani.

Jamii iliyostaarabika ni yenye kuheshimu Mawazo & Mitazamo ya wengine. Mchango wako katika kazi yoyote ulenge kujenga jamii yenye Kujitambua, Kujithamini na Kujiwajibisha.

Warembo wa kiTanzania wakiwa mstari wa mbele katika mpango mzima wa kutimiza mwindo wa mile tatu

Team Tanzania waki wakiwa kipata picha ya pamoja katika kuitikia wito wa kuunga mkono wanawake ambao wanakabiliwa na ugonjwa wa saratani ya maziwa, utafiti na elimu dhidi ya ugonjwa huo.

Mamia ya watu kutoka sehemu mbali mbali waliungana kwa pamoja katika zowezi hilo la kuunga mkono wanawake ambao wanakabiliwa na ugonjwa wa Saratani ya maziwa.

Wana nchi wakiwa katika mwendo wa Susan G.Komen. kumaliza vita dhidi ya maradhi ya Saratani ya Maziwa Susan G.Komen. 2012!

Kina kaka nao pia hawajajiweka nyuma kuunga mkono Susan G.Komen. kumaliza vita dhidi ya maradhi ya Saratani ya Maziwa Susan G.Komen. 2012! ndani ya Washington DC.

Ahsanteni sana Auntie Rehema na Dada Zuhura, kwa kutupa muamko wa kuwajibila na kushiriki katia zowezi haya hili la kupiga vita ugonjoa huu wa satarani ya maziwa. M/mungu akujalie Afya njeema Insha-Allah Ameen.!

Latino Team pia hawakujiweka nyuma kupiga vita ungonywa huo hatari unaowapa tabu kina Mama

Ghana Team pia walishiriki katika zowezi zima la Susan G.Komen. kumaliza vita dhidi ya maradhi ya Saratani ya Maziwa Susan G.Komen. 2012

Mamia ya wananchi wakiwa katika matembezi ya Susan G.Komen. 2012! Down Town Washington DC

Dada Sofia na akiwa katika matembezi pamoja na Team Tanzania na nyengine mchanganyiko

Team Tanzania baada ya kumaliza matembezi ya Susan G.Komen. dhidi ya kupiga vita maradhi ya Saratani ya maziwa. (Picha maelezo na swahilivilla.blogspot.com)

FERGUSON SASA AGEUKA MKONO WA BIRIKA

Ferguson na Scholes kushoto

Tetesi za J'pili magazeti Ulaya

FERGUSON APEWA BEI CHAFU KUWANASA MODRIC, TIOTE, BAINES

KOCHA Sir Alex Ferguson ameambiwa kwamba Manchester United itatakiwa kulipa jumla ya pauni Milioni 72 ili kuwapata wachezaji watatu inayowataka - lakini hayuko tayari kutoa fungu hilo kwa ajili ya nyota hao, Luka Modric, mwenye wa miaka 26 wa Tottenham, Leighton Baines mwenye umri wa miaka 27 wa Everton na Cheick Tiote mwenye umri wa miaka 25 wa Newscastle.

Habari kamili: Mail on Sunday

KLABU ya Manchester United imemlenga nyota wa Valencia, Jordi Alba, mwenye umri wa miaka 23, kwa kutoa fedha na mchezaji ili kumnasa nyota huyo na mchezaji watakayemtoa atakuwa Mbrazil, Anderson.

Habari kamili: Caught Offside

KUTOKA kwa mchezaji maarufu wa Liverpool, mshambuliaji Dirk Kuyt, mwenye umri wa miaka 31, inaweza kuwa sehemu ya mpango wa kubadilishana wachezaji na Fiorentina, na beki wa pembeni mwenye thamani ya pauni Milioni 12, Juan Manuel Vargas, mwenye umri wa miaka 28.

Habari kamili: Metro

Juan Manuel Vargas

KLABU ya Manchester City itaanza kumwaga fedha za usajili kwa ajili ya msimu ujao kwa kutoa pauni Milioni 25 kumnasa beki wa Athletic Bilbao, mwenye umri wa miaka 23, Javier Martinez.

Habari kamili: Sunday Mirror

TAARIFA za vyombo vya habari nchini Hispania, zimesema Tottenham imepiga hatua ya mawasiliano rasmi ya kumsajili mshambuliaji wa Athletic Bilbao, mwenye umri wa miaka 27, Fernando Llorente.

Habari kamili: FootyLatest

KLABU ya QPR inajipanga kumpa ofa kipa wa Tottenham, Heurelho Gomes, mwenye umri wa miaka 31, ili akafufue makali yake Loftus Road.

Habari kamili: Metro

KLABU ya Arsenal ina nia ya kumsajili mshambuliaji kinda wa miaka 18 wa Crewe mwenye thamani ya pauni Milioni 10, Nick Powell.

Habari kamili: Sunday Mirror

KLABU ya Southampton imetenga dau la pauni Milioni 2 kumnasa kiungo wa Millwall, Liam Trotter mwenye umri wa miaka 23, ambaye amekuwa akihusishwa na mpango wa kutimkia Fulham na Sunderland.

Habari kamili: Sun on Sunday

REDKNAPP MAMBO MAGUMU

MWENYEKITI wa Tottenham, Daniel Levy amekataa kumuongezea mkataba kocha Harry Redknapp, ambaye alitaka apewe miaka mitatu zaidi katika mkataba wake uliobakiza mwaka mmoja na ongezeko la maslahi yake. Hii inamaanisha wawili hao watafanya kazi kwa mgogoro mkubwa msimu ujao.

Habari kamili: Sun on Sunday

KOCHA mpya wa Liverpool, Brendan Rodgers mpango wake wa muda mrefu ni kutwaa taji na klabu hiyo, akisema; "Yanaweza kuwa manne".

Habari kamili: talkSPORT

BEKI wa Manchester United, Nemanja Vidic amepewa ruhusa ya kuanza mazoezi kamili mwanzoni mwa mwezi ujao.

Habari kamili: Sun on Sunday