Mertesacker, Koscielny kuikosa Newcastle leo

Lourent Koscielny

Per Mertesacker

Meneja wa Arsenal, Arsene Wenger, ametangaza majeraha kwa beki wake Laurent Koscielny na Per Mertesacker huenda yatamlazimisha kwa mechi ya pili mtawalia kutumia wachezaji wa akiba katikati mwa ngome yao dhidi ya Newcastle hii leo.

Koscielny anayeuguza tatizo la mgongo, na Mertesacker walikosa mtanange mkali na miamba wenza Liverpool Jumatatu usiku ulioisha kwa sare tasa na sasa ni shauku kubwa kwa safari ya St James’ Park baina yao na Newcastle United.

Habari za kufurahisha kwa mashabiki wa klabu hiyo yenye historia mbaya ya kukumbwa na majeraha kwa viungo muhimu kila msimu ni mshambuliaji Danny Welbeck na kiungo wa kati Jack Wilshere wanazidi kukaribia kurudi mchezoni baada ya kusumbuliwa na majeraha ya goti na guu mtawalia.

“Welbeck anaendela vyema sana. Atakuwa tayari mambo yakienda vyema baada ya mapumziko ya mechi za kimataifa. Wilshere yuko nyuma ya Welbeck pengine na juma moja na bila shaka, ataanza mazoezi kamili,” Wenger aliambia wanahabari.

Aliendelea kusema anafanya juu chini kuongeza kikosi chake nguvu kabla ya soko la musimu huu wa kiangazi kufungwa Jumanne lakini anakubali imekuwa kipindi kigumu sana kwake.

“Nina imani suluhu la dakika za mwisho litapatiaka lakini kwa sasa, siahidi lolote. Tunashughulikia hilo kwa bidii za ziadi na wahudumu ambao wanafanya kazi usiku na mchana kutafuta suluhisho bora,” alizidi.

SOURCE: SUPER SPORT