VYETI FEKI MTEGONI YANGA LEO

 

Na Prince Akbar
KUANZIA saa 4:00 asubuhi ya leo, zoezi la usaili kwa wagombea wa nafasi mbalimbali za uongozi kwenye uchaguzi wa klabu ya Yanga, uliopangwa kufanyika Julai 15, mwaka huu watakuwa wakifanyiwa usaili makao makuu ya klabu, makutano ya Mitaa ya Twiga na Jangwani.

Louis Sendeu, Ofisa Habari wa Yanga, ameiambia BIN ZUBEIRY asubuhi hii kwamba zoezi hilo litaongozwa na Kamati ya Uchaguzi, chini ya Mwenyekiti wake, Jaji John Mkwawa na wagombea wote wanatakiwa kufika wao wenyewe.

Tayari Kamati hiyo ya Mkwawa, imemuengua mgombea Nafasi ya Makamu Mwenyekiti, Ally Mayay Tembele, kwa sababu hakufika kusikiliza pingamizi dhidi yake.

Kuenguliwa kwa Mayay, kunafanya nafasi ya Makamu Mwenyekiti ibakiwe na watu watatu, ambao ni Ayoub Nyenzi, Yono Kevela na Clement Sanga na wote watafanyiwa usaili leo.

Nafasi ya Uenyekiti wagombea ni Yussuf Mehboob Manj, John Jambele, Edgar Chibura na Sarah Ramadhani.

Katika nafasi za Ujumbe ni Lameck Nyambaya, Ramadhani Mzimba ‘Kampira’, Mohamed Mbaraka, Ramadhani Said, Edgar Fongo, Beda Simba, Ahmad Gao, Mussa Katabaro, George Manyama, Aaron Nyanda, Abdallah Bin Kleb, Omary Ndula, Shaaban Katwila, Jumanne Mohamed Mwammenywa, Abdallah Mbaraka, Peter Haule, Justin Baruti na Abdallah Sharia.

Awali, Mkuu wa Wilaya ya Handeni, Muhingo Rweyemamu, Mfanyabiashara Muzamil Katunzi na Katibu Mkuu wa Wizara ya Madini, Eliakhim Masu walichukua fomu za kugombea Ujumbe lakini wakashindwa kurudisha, wakati Isaac Chanzi pia hakurudisha fomu ya Makamu Mwenyekiti hivyo moja kwa moja hao hawamo katika kinyang’anyiro.

Uchaguzi huo, unaokuja baada ya Wajumbe wengi wa Kamati ya Utendaji katika uongozi uliokuwa madarakani, akiwemo Mwenyekiti Wakili Lloyd Baharagu Nchunga na Makamu wake, Davis David Mosha kujiuzulu utafanyika Julai 15, mwaka huu Dar es Salaam.

Tayari Kamati ya Uchaguzi ya Shirikisho la Soka Tanzania (TFF), ilitoa onyo kwa wagombea ambao waliwasilisha vyeti visivyostahili na kutaka wawasilishe vyeti vinavyotambulika kwa mujibu wa taratibu za uchaguzi, ambavyo ni vyeti vya Baraza la Mitihani.

SILAHA ZA KISIWANI ZATINGA AZAM FC

Viungo Abdi Kassim 'Babbi' kushoto na Abdulhalim Humud 'Gaucho', baadhi ya wachezaji waliokuwa na timu ya taifa ya Zanzibar ambao tayari wameripoti Azam FC

Na Prince Akbar
WACHEZAJI wa Azam FC waliokuwa na timu ya taifa ya Zanzibar jana wamejiunga na wenzao kambini, kwa maandalizi ya klabu Bingwa Afrika Mashariki na Kati, Kombe la Kagame, ingawa Waziri Salum aliripoti tu na kuondoka kutokana na matatizo.

Kutoka Azam, BIN ZUBEIRY imeelezwa kwamba, Salum yeye mwenyewe ni mgonjwa na pili baba yake anaumwa hivyo amerejea Zanzibar, lakini Abdi Kassim ‘Babbi’, Abdulhalim Humud ‘Gaucho’, Abdulghani

Gullam na Hamisi Mcha wao wameanza mazoeozi moja kwa moja na wenzao. Wachezaji wa Azam FC waliokuwa timu ya taifa ya Tanzania, Taifa Stars wanatarajiwa kuanza mazoezi Jumatatu.

Kiungo Salum Abubakar ‘Sure Boy Jr.’ aliyeumia kabla ya Stars kwenda Msumbiji, yeye anaendelea na programu maalum ya daktari wa timu hiyo na tayari ameripoti.

Azam FC inaendelea vema na maandalizi yake ya Kombe la Kagame na leo asubuhi wanafanya mazoezi ya gym kwenye Uwanja wa Chamazi.

Tayari Azam, washindi wa pili wa Ligi Kuu ya Vodacom Tanzania Bara wamekwishamalisha usajili wa wachezaji wao hata kabla ya kwenda likizo.

Programu ya maandalizi ya Kombe la Kagame, inayoendelea hivi sasa itamalizika siku moja kabla ya kuanza mashindano hayo, Juni 28 na yatakapomalizika, wachezaji watapewa mapumziko ya siku chache kabla ya kuanza maandalizi kwa ajili ya msimu ujao wa Ligi Kuu.

Maandalizi kwa ajili ya VPL yatahusisha pia ziara ya nje ya nchi ya kujiandaa na msimu mpya, ingawa amesema nchi hiyo itatajwa baadaye.

Wachezaji wapya kikosini Azam msimu huu ni kiungo Mkenya George ‘Blackberry’ Odhiambo na kipa Deogratius Munishi kutoka Mtibwa Sugar, wakati Aishi Salum, Jackson Wandwi, Dizana, Ibrahim Rajab Jeba na Joseph Kimwaga, wamepandishwa kutoka akademi ya Azam.

Kikosi kamili cha Azam FC kinaundwa; na makipa, Mwadini Ally, Deo Munishi ‘Dida’ Aishi Salum na Jackson Wandwi, mabeki wa Ibrahim Shikanda, Erasto Nyoni, Waziri Salum, Samir Haji Nuhu, Luckson Kakolaki, Said Mourad, Joseph Owino na Aggrey Morris.

Viongo ni Kipre Bolou, Abdulhalim Humud, Himid Mao, Salum Abubakar, Abdi Kassim Sadalla, Ramadhani Suleiman Chombo, Abdulghani Ghullam, Ibrahim Rajab Jeba, Jabir Aziz Stima, Ibrahim Joel Mwaipopo, Kipre Tchetche, Mrisho Ngassa, Zahoro Pazi, Khamis Mcha na George Odhiambo ‘Blackberry’ wakati washambuliaji ni Gaudence Mwaikimba, John Bocco ‘Adebayor’.

Hii ni mara ya kwanza kwa Azam FC kucheza Kombe la Kagame, baada ya kushika nafasi ya pili katika msimu uliopita wa Ligi Kuu. Katika Kombe la Kagame mwaka huu, wenyeji Bara wataingiza timu tatu, Yanga ambao ni mabingwa watetezi, wakati Simba na Azam wanaingia kwa nafasi za uwakilishi.

 

MRWANDA ATUA NA 'EXCUSE' MAZOEZINI SIMBA, MILOVAN KUTUA DAR KESHOKUTWA

Na Prince Akbar
WAKATI mshambuliaji Danny Mrwanda aliwasili kwenye mazoezi ya Simba SC jana Uwanja wa TCC Chang’ombe, Dar es Salaam, kocha Mkuu wa klabu hiyo, Mserbia Milovan Cirkovick atatua Jumapili hii tayari kuanza kuiandaa timu kwa ajili ya Klabu Bingwa Afrika Mashariki na Kati, imeelezwa.

Habari kutoka ndani ya Simba, ambazo BIN ZUBEIRY zimesema kwamba Milovan atawasili Jumapili na kukutana na uongozi ili kupanga programu rasmi ya maandalizi kwa ajili ya michuano hiyo, ambayo Simba ni bingwa wake mara sita katika miaka ya 1975, 1991, 1992, 1995, 1996 na 2002.

Kwa upande wake, Mrwanda aliyesajiliwa kutoka Dong Tam Long ya Vietnam, alifika mazoezini jana jioni, lakini hakufanya na ameahidi kuanza rasmi timu itakaporejea katika ziara yake ya Kanda ya Ziwa, ambako pamoja na kwenda kutambulisha Kombe lao la ubingwa wa Ligi Kuu, wanakwenda kucheza mechi za kirafiki. Simba imeondoka leo Dar es Salaam.

 

YANGA WAANZA MAZOEZI YA UFUKWENI

Nizar Khalfan, moja ya silaha mpya Yanga

Na Prince Akbar

KLABU bingwa Afrika Mashariki na Kati, Yanga kesho asubuhi inatarajiwa kuanza mazoezi ya ufukweni katika ufukwe wa Coco Beach, Dar es Salaam ili kuwajengea stamina wachezaji wake.

Ofisa Habari wa Yanga, Louis Sendeu ameiambia BIN ZUBEIRY asubuhi hii kwamba baada ya programu ya mazoezi ya ufukweni, wachezaji hao watapelekwa gym na baada ya hapo wataingia kambini moja kwa moja wiki ijayo.

Yanga inajiandaa na michuano ya Klabu Bingwa Afrika Mashariki na Kati, Kombe la Kagame itakayofanyika Dar es Salaam kuanzia Julai 14 hadi 29, mwaka huu ikishirikisha timu nyingine mbili za Tanzania, bingwa wa Ligi Kuu, Simba SC na washindi wa pili, Azam FC.

Tayari wachezaji wapya waliosajiliwa na Yanga wamekwishaanza mazoezi Uwanja wa Kaunda, akiwemo kipa wa Simba, Ally Mustafa ‘Barthez’, Said Bahanuzi na Juma Abdul, wote kutoka Mtibwa Sugar ya Morogoro na Nizar Khalfan aliyekuwa akichezea Philadelphia Union ya Marekani.

Wachezaji wa zamani ambao hadi sasa wamekwishafika Jangwani ni Juma Seif ‘Kijiko’, ambaye kulikuwa kuna tetesi anakwenda Simba, Hamisi Kiiza, Kenneth Asamoah, Yaw Berko, Shamte Ally, Jerry Tegete, Stefano Mwasyika, Godfrey Taita, Athumani Iddi ‘Chuji’, Oscar Joshua, Nadir Haroub ‘Cannavaro’, Idrisa Senga, Omega Seme na Ibrahim Job.

MODRIC NI KAMA AMEOTA MBAWA MAN UNITED

Tetesi za Ijumaa magazeti Ulaya

HULK ACHAGUA CHELSEA

MSHAMBULIAJIn wa Porto, Hulk, mwenye umri wa miaka 25, ameiambia Paris St-Germain angependa zaidi kujiunga na Chelsea, kwa dau la pauni Milioni 38 lililoripotiwa.

Habari kamili: talkSPORT

KLABU ya Liverpool ina nia ya kumsajili mshambuliaji Fabio Borini, mwenye umri wa miaka 21, ambaye amefunga mabao 10 katika mechi 26 alizoichezea Roma ya Italia, hiivyo kuingia kikosi cha Italia cha Euro 2012. Kocha wa Wekundu hao, Brendan Rodgers alipiga kazi na mpachika mabao huyo akiwa Chelsea na alimsajili kwa mkopo The Blues baada ya kutua Swansea.

Habari kamili: Daily Mirror

Luka Modric is a £30m target for Real Madrid

KLABU ya Real Madrid inajiandaa kuilipa Tottenham pauni Milioni 30 kwa ajili ya kumnasa Luka Modric, mwenye umri wa miaka 26, baada ya kocha Jose Mourinho kuitaka klabu yake iongeze dau.

Habari kamili: Daily Mail

KLABU ya Porto inaweza kujikuta inapoteza mchezaji mwingine, baada ya wakala wa mchezaji wao anayetakiwa na Manchester United kumlenga James Rodriguez, mwenye umri wa miaka 20, kusema mteja wake yupo katika mazingira magumu Porto.

Habari kamili: talkSPORT

OTHER GOSSIP

KOCHA wa Manchester City, Roberto Mancini anaamini Italia wanatakiwa kumtumia Mario Balotelli kama wanataka nafasi ya kuifunga England Jumapili.

Habari kamili: The Metro

KOCHA wa Everton, David Moyes ameunga mkono wa kuchanga fedha kwa ajili ya ujenzi mpya ambao watautumia kwa pamoja na wapinzani wao, Liverpool.

Joey Barton set to learn his fate

Habari kamili: Daily Mirror

MUSTAKABALI wa Joey Barton katika klabu ya Queens Park Rangers utaeleweka katika siku chache zijazo, baada ya klabu hiyo kukamilisha uchunguzi wake wa ndani juu ya kadi nyekundu aliyopewa katika mechi dhidi ya Manchester City ya kufunga msimuj uliopita wa Ligi Kuu