LIVERPOOL IMECHEZA BONGE LA KAMARI KWA BRENDAN RODGERS
Hayo ni maneno ya beki wa zamani Liverpool, Mark Lawrenson
BEKI wa zamani wa
Liverpool, Mark Lawrenson anaamini kuajiriwa kwa kocha Brendan Rodgers katika
Uwanja wa Anfield ni bonge la kamari.
Rodgers,
ambaye aliiongoza Swansea kushika nafasi ya 11 kwenye Ligi Kuu msimu uliopita,
anasaini mkataba wa miaka mitatu Liverpool.
"Ni
bonge la kamari kwa kuteuliwa kwake na kamari kubwa ambayo klabu haijawahi
kucheza kwa muda mrefu," alisema Lawrenson.
"Mashabiki
wa Liverpool watampa nafasi. watampa muda. Lakini kama timu haitamaliza ndani ya
nne bora, wamiliki watafanyeje?"
Rodgers
amewahi kuzifundisha Reading na Chelsea kabla ya kwenda Watford Novemba mwaka
2008.
Alipoulizwa
kuhusu sifa za kocha huyo mwenye umri wa miaka 39, Lawrenson alisema: "Rodgers
amefanya kazi nzuri akiwa Swansea, kila mmoja anapenda jinsi wanavyocheza soka
yao.
"Nafasi
ya Brendan kuongoza klabu ambayo ipo ndani ya 10 bora nchini ipo juu ya uwezo
wake. Ni changamoto tofauti kwake, klabu itatarajia kushinda kila mechi.
"Liverpool
ilitumia fedha nyingi katika usajili msimu uliopita, hakuna shaka watatumia
fedha nyingi zaidi. Ni kazi kubwa kwa Rodgers, kwa sababu atawajibika kwa kila
kitu kama ilivyo hakuna Mkurugenzi wa Michezo,"alisema.
INGEKUWA VIPI NYOSSO, JABU, MWAIKIMBA NA REDONDO BILA ASHANTI, JE WANGETOKA?
 |
| Hapa ndio makao makuu ya klabu ya Ashanti inayopigania kurejea Ligi Kuu. Hii ni klabu ambayo imeibua wachezaji wengi wanaotamba katika Ligi Kuu hivi sasa kama Juma Nyosso, Ramadhan Chombo 'Redondo', Gaudence Mwaikimba, Juma Jabu, Ally Mustafa 'Barthez' na wengineo. |
WABUNGE WA CHADEMA WAAGWA KWA MTANANGE WA BRAZIL NA MAREKANI
Baaada ya kazi kubwa ya
kuzindua na kuimarisha tawi la chadema Washington Dc Maryland na
Virginia,Wabunge wa Chama Cha Demokrasia na Maendeleo (CHADEMA)Mhe. Peter Msigwa na
Mhe. Nassari Joshua, Al-Marufu Dogo janja, Usiku wa Jana Jumatano Mei
30,2011 waagwa rasmi kwa kuangalia mpambano wa kimataifa kati ya US na Brazil
ndani ya uwanja wa Fedex, uliopo Landover Maryland Nchini
marekani
Wabunge wa Chama Cha
Demokrasia na Maendeleo (CHADEMA) Mhe, Peter Msigwa na Mhe. Nassari Joshua,
Al-Marufu Dogo janja, wakiwa na uwongozi wa tawi la Chadema Washington Dc Libe
Mwangombe, wanne, Mjomba a.k.a Cosmas, Mzee wa swahilivilla Aboh Shatry wa pili
kulia, pamoja na mashabiki wa US, wakiiunga mkono bendera ya taifa. (Picha maelezo na swahilivilla.blog spot.com)
Idadi ya wapenzi waliohudhuria
katika mpambano huo ni 67,656 wakiwemo Mhe. Nassari Joshua pamoja
na Mhe, Peter
Msigwa. (Picha maelezo na
swahilivilla.blog spot.com)
Wabunge wa chama cha
Chadema wakipata flash ya pamoja na warembo wa Kibrazil ndani ya uwanja
wa FedexField, uliopo Landover Maryland Nchini marekani. (Picha maelezo na swahilivilla.blog spot.com)
Picha ya pamoja na
viongozi wa juu wa Chadema kwenye mpambano wa US na Brazil Usiku wa kuamkia leo
Alhamis Mei 31,2012 ndani ya ndani ya uwanja wa Fedex, uliopo Landover Maryland
Nchini marekani
Nabendera ya Taifa
wakishangilia Bao la kwanza la Brazil lilifungwa kwa Penalti na mchezaji
Neymar
Wachezaji wa Brazil
wakilinda ngome yao kwa kuwadhibiti timu ya US kwenye mechi hiyo ya kirafiki
ambapo timu ya Brazil waliweza kuwabamiza US bao 4-1 nyumbani kwao.
US. hoi kwa Brazil baada
ya kubamizwa bao nne bao la kwanza lilifungwa na Neymar, na lapili na Thiago
mnamo wa dakika ya 11, kipindi cha kwanza. bao la US lilifungwa na Hercules
Gomes dakika ya 44 kipindi chakwanza hadi mapumziko Brazil 2 US 1 kwenye mchezo
wa kirafiki. (Picha maelezo na
swahilivilla.blog spot.com)
Forward wa United States
Landon Donovan, akipandisha majeshi juu huku alidhibitiwa na Brazil defender
Marcelo wa Brazi katika mpambano wa kirafiki.
Hivyo ndivyo ilivyo
katika uwanja wa FedexFeild, uliopo Landover Maryland Nchini Marekani (Picha maelezo na swahilivilla.blog spot.com).
TETESI ZA USAJILI BARA: MTIBWA, COASTAL ZAMGOMBEA KIUNGO FUNDI WA AZAM
KIUNGO wa Azam FC aliyecheza
kwa mkopo msimu huu, African Lyon ya Dar es Salaam, Suleiman Kassim ‘Selembe’
amesema kwamba Coastal Union ya Tanga na Mtibwa Sugar ya Morogoro, ndizo ambazo
hadi sasa zimeonyesha nia ya kumsajili, ila anapenda kukabiliana na changamoto
kubwa zaidi, kama za Simba au Yanga.
Akizungumza na BIN
ZUBEIRY visiwani Zanzibar leo asubuhi, Selembe (pichani kushoto) alisema
kwamba klabu yake, Azam FC imeonyesha nia ya kumuacha aende klabu yoyote
itakayomtaka na sasa naye anasikilizia timu ambayo itamalizana
naye.
“Kwa kweli hadi sasa naweza
kusema Coastal Union na Mtibwa ndizo ambazo zimeonyesha nia haswa ya kunisajili,
ila mimi mwenyewe niko tayari kukabiliana na changamoto zozote, hasa zile kubwa
kubwa, kama Simba au Yanga hivi, niko tayari,”alisema.
Selembe ni kati ya viungo
wazuri kwa sasa nchini, ambaye ameyumba kidogo baada ya Azam kumpeleka kwa mkopo
Lyon, kiasi cha kufikia kutemwa katika kikosi cha timu ya taifa ya Tanzania,
Taifa Stars.
Kwa
sasa, fundi huyo wa soka yuko kwenye kambi ya timu ya Zanzibar, inayojiandaa na
michuano ya Kombe la Dunia ya nchi zisizo wanachama wa FIFA nchini Uzbekistan,
michuano itakayoanza Juni 4, mwaka huu na Zanzibar Heroes inatarajiwa kuondoka
Juni 2 nchini.
DROO YA TANO YA VUMBUA HAZINA CHINI YA KIZIBO YA SBL YAFANYIKA DAR LEO
Meneja wa kinywaji cha Serengeti Premium Lager
Bw. Allan Chonjo akizungumza wakati wa kutangaza washindi wa Genereta na Bajaj
katika bahati nasibu ya promosheni ya Vumbua Hazina chini ya Kizibo iliyofanyika
kwenye ofisi za Kampuni hiyo Oysterbay jijini Dar es salaam kulia ni Tumainiel
Malisa kutoka PWC.
Menejwa mawasiliano wa kampun i ya bia ya
Serengeti Imani Lwinga akizungumza wakati wa kuchezesha bahati nasibu hiyo
katikati ni Meneja wa bia ya bia ya Serengeti Premium Lager na kulia ni
Tumainiel Malisa kutoka PWC
Meneja wa kinywaji cha Serengeti Premium Lager
Bw. Allan Chonjo akizungumza wakati wa kutangaza washindi wa Genereta na Bajaj
katika bahati nasibu ya promosheni ya Vumbua Hazina chini ya Kizibo iliyofanyika
kwenye ofisi za Kampuni hiyo Oysterbay jijini Dar es salaam katikati ni
Tumainiel Malisa kutoka PWC na kulia ni Abdallah Hemed kutoka bodi ya mchezo ya
kubahatisha.
SOURCE: FULL SHANGWE
Zoezi la kukabidhi zawadi kwa
washindi waliojitokeza kushiriki na kushinda zawadi zinazotolewa katika
promosheni ya kipekee ‘VUMBUA HAZINA CHINI YA KIZIBO’ inayoendeshwa na kampuni
ya bia ya Serengeti limeendelea wiki iliyopita katika mikoa ya Iringa na Mwanza
ambapo mshindi wa jenereta na yule wa bajaj walikabidhiwa zawadi zao katika
sherehe zilizohudhuriwa na umati mkubwa wa watu na kushuhudia SBL ikikabidhi
zawadi hizo na kuamsha hamasa kubwa kwa wapenzi na watumiaji wa biadhaa za
SBL.
Asubuhi ya leo droo ya tano ya
promosheni hiyo ‘VUMBUA HAZINA CHINI YA KIZIBO’ imechezeshwa katika ofisi za
kampuni ya bia ya Serengeti zilizopo maeneo ya Oysterbay jijini na kupata
kuhudhuriwa na waandishi wa habari, wasimamizi kutoka Bodi ya Bahati Nasibu
Tanzania, wadau kutoka ndani na nje ya kampuni hiyo, wakiwemo kampuni ya
kuendesha Bahati Nasibu ya PUSH MOBILE na wahakiki na wakaguzi kutoka PWC-Price
Water House Coopers.
Akiongea katika mkutano na
waandishi wa habari wakati wa kuchezeshwa kwa droo ya tano ya promosheni hiyo,
Mkurugenzi wa Masoko wa kampuni hiyo bw. Ephraim Mafuru, amesema “Tumeshakabidhi
jereta nne kwa washindi mbalimbali na zawadi ya pikipiki, bajaj mbili na gari
moja aina ya FORD FIGO ambapo zawadi zote zimeshakabidhiwa kwa washindi wetu .
Hivi karibuni tutasafiri kwenda Mfinga Mkoani Iringa kukabidhi
Bajaj”.
“Naendelea kuwashauri jamii na
watanzania kwa ujumla kwamba promosheni hii ni kwa ajili ya kila mtanzania
mwenye vigezo vya kushiriki kwa hiyo wajitokeze k kwa wingi kushiriki ili
kujaribu bahati kama wenzetu ambao wamejaribu na kupata zawadi kubwa ambazo
hawakutarajia katika maisha yao.” Alisema Mafuru.
Aliongeza kuwa zawadi
zinazoshindaniwa gharama yake ni jumla fedha za kitanzania milioni 780 ikiwemo
pesa taslimu ambazo mshindi anapata papo hapo kupitia matandao wa simu za
mikononi M- pesa. Ikumbukwe kuwa zawadi hizi zinapelekwa hadi pale mshindi wetu
alipo bila yeye kuchangia chochote walakugharamia chochote ikiwemo
usafiri.
Katika droo hii ya tano
mshindi ni Isaya Charles kutoka Igoma mkoani Mwanza ambaye amejishindia
Jenereta, wakati mshindi mwingine Mariam Karumba mwanafunzi wa mwaka wa tatu
Chuo Kikuu cha Saint Agustin pia anatoka mkoani Mwanza amejishindia
Bajaj
Kampuni ya bia ya Serengeti
kupitia bidhaa yake bora kabisa ya Serengeti Premium Lager, Tusker Lager and
Pilsner inaendesha promosheni hii kwa wiki 16 ikiwa na lengo la kuinua na
kuboresha maisha ya wateja wake na watanzania kwa ujumla
DK TAMBA AOMBWA KUGOMBEA UENYEKITI YANGA
 |
| Dk Tamba |
WANACHAMA wa klabu ya Yanga,
wakiwemo wazee kadhaa wa Dar es Salaam wamemuomba, mwanachama mwenzao maarufu,
Dk. Maneno Tamba kujitokeza kuwania nafasi ya Uenyekiti wa klabu hiyo katika
uchaguzi wa klabu hiyo, uliopangwa kufanyika Julai 15, mwaka huu.
Habari ambazo BIN
ZUBEIRY imezipata kutoka kwa mtu wa karibu wa Dk. Tamba, zimesema kwamba
wanachama wa klabu hiyo, walifika mapema Jumatatu wiki hii ofisini kwa Dk.
Tamba, Magomeni Mikumi, Dar es Salaam na kumuomba agombee, wakimpa moyo ana sifa
na uwezo.
“Walikuwa kama wanane hivi,
kati yao watatu walikuwa wazee kabisa, walifika hapa. Wakaomba kumuona Dk Tamba,
msaidizi wa Dk Tamba akaenda kumuambia. Dk akawaambia waingie, walipoingia sasa,
nasikia yule msaidizi wake wakati anawapelekea kahawa, ndio akasikia hayo
mazungumzo,”kilisema chanzo hicho.
BIN ZUBEIRY
iliwasiliana na Dk. Tamba juu ya habari hizo na uamuzi wake, lakini akasema ni
mapema mno kwa sasa kuzungumzia chochote juu ya hilo, kwa sababu hakuwahi
kufikiria suala hilo hata siku moja, hivyo inabidi naye alifanyie kazi
kwanza.
“Sheikh haya mambo mazito,
wewe umepata habari hizi? Wewe naye hatari sana,” alisema Dk. Tamba na kuanguka
kicheko kabla ya kuendelea; “Wamekuja wiki hii kweli, lakini inabidi nipate muda
kwanza wa kulitafakari hili jambo na kuwasiliana na wadau wangu kushauriana nao,
klabu kubwa ile kaka,”alisema.
Kama kweli Dk Tamba ataamua
kugombea Uenyekiti wa Yanga, anaweza akapita kutokana na sifa zake.
Pamoja na kuucheza mpira wa
miguu, kuwa na elimu nzuri, pia Dk. Tamba ni mtu anayeheshimika mno na watu
mbalimbali nchini, wakiwemo viongozi wakubwa wa serikali, kutokana na shughuli
za utabibu.
Ni
mwadilifu na muumini safi wa dini ya Kiislamu, ambaye anasali sala tano. Ana
hekima, busara na anaijua soka kindakindaki- kwa sababu ni mpenzi haswa wa
mchezo huo. Dk Tamba anamiliki timu ya mpira wa miguu ya wanawake ya Mburahati
Queens, inayotoa wachezaji wengi timu ya taifa.
Sifa za ziada za Dk Tamba ni
mbunifu, kwani pamoja na shughuli zake za tiba za kijadi, ambazo humfanya aende
kutoa huduma hadi nje ya nchi, pia ni mfanyabiashara na ni miongoni mwa watu wa
awali kabisa nchini kutayarisha filamu ya Kitanzania na kuziingiza sokoni,
ambazo zilifanya vizuri mno, kama Nsyuka na Soka la
Bongo.
POULSEN AWATEMA NYOTA WAWILI SIMBA SAFARI YA IVORY COAST
 |
Wachezaji wa Taifa Stars
wakiingia ndani ya Uwanja wa Ndege wa Mwalimu Julius Nyerere, Dar es Salaam
alfajiri ya leo tayari kwa safari ya Ivory Coast.  |
Kocha
Kim Poulsen alisema wakati timu hiyo ikiondoka wachezaji hao ni majeruhi ndio
maana kawaacha. Wachezaji walioondoka na timu i Nahodha Juma Kaseja, Nahodha
msaidizi Aggrey Morris, Mwadini Ally, Deogratius Munishi, Amir Maftah, Erasto
Nyoni, Kelvin Yondani, Waziri Salum, Shomari Kapombe, Juma Nyoso, Jonas Mkude, Mwinyi Kazimoto,
Salum Abubakar, Shabani Nditi, Edward Christopher, Mrisho Ngasa, Frank Domayo,
Mbwana Samata, Ramadhan Singano, Simon Msuva na John Bocco.
Boban na
Chollo wanaungana na wachezaji wengine wawili, waliobaki kutokana na kuwa
majeruhi, mshambuliaji Thomas Ulimwengu anayecheza timu ya TP Mazembe ya Jamhuri
ya Kidemokrasi ya Kongo na kiungo wa Yanga, Nurdin Bakari.
 |
| Nahodha wa Ivory Coast, Didier Drogba |
Viongozi
waliofuatana na timu hiyo ni Kocha Mkuu Kim Poulsen, Sylvester Marsh (Kocha
Msaidizi), Juma Pondamali (Kocha wa makipa), Leopold Mukebezi (Meneja wa timu),
Juma Mwankemwa (Daktari wa timu), Frank Mhonda (Physiotherapist) na Alfred
Chimela (Mtunza vifaa).
Msafara
huo unaongozwa na Mjumbe wa Kamati ya Utendaji ya Shirikisho la Mpira wa Miguu
Tanzania (TFF) Crescentius Magori wakati naibu kiongozi wa msafara ni Makamu wa
Rais wa Chama cha Mpira wa Miguu Zanzibar (ZFA) Haji Ameir Haji.
Timu
hiyo inayodhaminiwa na Kilimanjaro Premium Lager iliagwa leo (Mei 30 mwaka huu)
na Naibu Waziri wa Habari, Vijana, Utamaduni na Michezo, Amos Makala ambaye
aliwataka wachezaji hao kwenda kuiwakilisha vizuri Tanzania kwenye mechi
hiyo.
Hafla
hiyo ya kukabidhi Bendera ya Taifa pia ilihudhuriwa na Mwenyekiti wa Baraza la
Michezo la Taifa (BMT), Dioniz Malinzi, Rais wa TFF, Leodegar Tenga na Meneja wa
bia ya Kilimanjaro, George Kavishe.
Mechi
itachezwa kwenye Uwanja wa Felix Houphouet-Boigny jijini Abijan kuanzia saa 11
kamili kwa saa za Ivory Coast.
 |
| Kiungo Haruna Boban, enzi zake
akicheza Ulaya, Geffle FF ya Ligi Kuu Sweden, kabla ya kurejea kwenye soka ya madafu |
Mtathmini wa waamuzi ni Rachid
Medjiba kutoka Algeria wakati Kamishna wa pambano hilo atakuwa Saleh Issa
Mahamat kutoka Chad.
Stars
itarajea nyumbani Juni 5 mwaka huu saa 1.40 asubuhi na kuingia moja kwa moja
kambini kujiandaa kwa mechi dhidi ya Gambia itakayofanyika Juni 10 mwaka huu
kwenye Uwanja wa Taifa, Dar es Salaam.
Wednesday, May 30, 2012
PSG YAMTAKA ROONEY KWA BEI AMBAYO HAJAWAHI KUNUNULIWA MCHEZAJI YEYOTE DUNIANI
 |
| Rooney |
Tetesi za Alhamisi magazeti Ulaya
ROONEY ATAKIWA KWA EURO MILIONI 150 UFARANSA
KLABU ya Paris Saint-Germain
ya Ufaransa inajiandaa kufanya kufuru mbaya- kutoa dau la Euro Milioni 150 kwa
ajili ya kumnunua mshambuliaji wa Manchester United, Wayne
Rooney.
KLABU
za Tottenham na Chelsea zinajiandaa kumnunua mshambuliaji wa Newcastle, Demba
Ba, ambaye amepewa ruhusa binafsi ya kuhama kwa dau la pauni la Milioni 7.
KLABU
ya Chelsea ipo karibuni kumnasa kwa dau la pauni Milioni 40, mshambuliaji wa
Porto, Hulk, mwenye umri wa miaka 25, huku mazungumzo yakitarajiwa kuendelea
baadaye wiki hii.
KLABUA
za Manchester United, Chelsea na Arsenal zinamfuatilia kinda wa umri wa miaka 22
wa Ukraine, kiungo wa Dnipro, Yevhen Konoplyanka.
MSHAMBULIAJI
wa Tottenham, Rafael van der Vaart anatazamiwa kuondoka White Hart Lane baada ya
Schalke kuonyesha nia ya kumchukua Mholanzi huyo kwa dau la pauni Milioni
10.
KLABU
za Tottenham na Newcastle zimeingia kwenye mbio za kuwania saini ya kiungo wa
Manchester City, Adam Johnson.
WAPINZANI
wa Kaskazini kwa London, Arsenal na Tottenham zina mpango wa kumsajili kiungo wa
Sochaux, Marvin Martin baada ya mchezaji huyo mwenye umri wa miaka 24 kusema
anataka kuondoka Ufaransa.
KLABU
ya Arsenal inataka kumpa ofa Salomon Kalou kubaki katika Ligi Kuu ya England,
baada ya kutemwa na klabu yake ya sasa, Chelsea, huku kukiwa kuna habari anataka
kwenda Schalke.
KLABU
ya Newcastle
imeripotiwa kutenga dau la kati ya pauni 500,000 na Milioni 1 kumnasa kinda wa
Coventry, Gael Bigirimana, mwenye umri wa miaka 18.
KOCHA
wa Sunderland, Martin O'Neill yuko tayari kumnasa Msenegali wa Wigan, kiungo
nyota Mohamed Diame, mwenye umri wa miaka 24.
ATEMWA KIKOSI CHA EURO KWA KUSHINDWA WIMBO WA TAIFA
KOCHA
Mserbia, Sinisa Mihajlovic amemtema Adem Ljajic baada ya mshambuliaji huyo
kushindwa kuimba wimbo wa taifa kabla ya mechi waliyofungwa 2-0 na Hispania
Jumamosi.
KAMBI TIMU YA TAIFA ZANZIBAR MATATIZO MATUPU HADI MISOSI MIGOGORO
 |
| Wachezaji mazoeini jioni ya leo, Uwanja wa Amaan jioni ya jana |
KAMBI ya timu ya taifa ya
Zanzibar, inayojiandaa na michuano ya Kombe la dunia kwa nchi zisizo wanachama
wa FIFA (Shirikisho la Soka la Kimataifa), inakabiliwa na hali ngumu mno na
zaidi inaendelea kwa sababu ya uzalendo wa wachezaji pekee.
BIN ZUBEIRY
jana imetembelea kambi hiyo visiwani hapa na kufanya mahojiano na Kocha Mkuu,
Ahmad Morocco, ambaye amesema kama si uzalendo wa wachezaji, basi safari ya
Uzbekistan kwenye mashindano hayo yanayoanza Juni 4, mwaka huu
ingekufa.
Morocco amesema vijana wapo
kambini Bwawani Hotel, lakini hata chakula ni cha matatizo. “Hawapati chakula
cha kutosha, yaani wanapewa chakula kwa kiwango ambacho wamepanga wenye hoteli,
si lishe ya kula mchezaji, lakini tutafanyeje na hiyo ndio hali halisi,”amesema
Morocco.
CHANZO CHA
MATATIZO:
 |
| Nikiwa kwenye mazungumzo na kocha Morocco |
“Wao wanasubiri matokeo mabaya
waje kulaumu tu, lakini katika hali kama hii, ukifanya vizuri basi unastahili
sifa sana, mimi nakuambia hata dawa tu hapa ni tatizo, timu haina dawa wala
nini,”amesema.
Morocco anasikitika kwamba
hata wachezaji wa timu hiyo wapo kambini kwa zaidi ya siku 10, lakini hawapati
posho na anaamini Chama cha Soka Zanzibar (ZFA) hakina uwezo kwa sababu hakina
wafadhili zaidi ya kutegemea serikali.
“ZFA wanasema wamekwishapeleka
bajeti yao Wizarani, lakini ajabu hadi sasa wanasema hawajajibiwa chochote, na
hali inazidi kuwa mbaya kambini, maana yake wachezaji wanatumia chao cha mfukoni
hadi wanaishiwa, sasa hata familia zao watazisaidiaje,”amesema.
SMZ IMEISUSA
TIMU?
 |
| Selembe kushoto na Gulam kulia wakijiandaa kuingia mazoezini |
PAMOJA NA YOTE, VIJANA
UZALENDO MBELE:
 |
| Abdi Kassim kushoto na Abdulhalim Humud kulia wakipasha |
Morocco amesema timu itaondoka
Juni 2, kupitia Dar es Salaam tayari kwa mchezo wa kwanza dhidi ya Tehran na
anasema kwa ujumla wamepania kurejea na Kombe hilo. “Sisi kwa pamoja, azma yetu
ni kurejea na Kombe, ili tuwadhihirishie wananchi wa Zanzibar uzalendo
wetu,”amesema.
SABRI, FAROUK WATEMWA
SAFARINI, CANNAVARO CHUPUCHUPU
 |
| Cannavaro na mkewa wakiwa jukwaani wanaangalia mazoezi |
Bado kikosini watakuwepo
wachezaji wengine hodari tu wakiongozwa na nyota wa Azam FC, viungo Abdi Kassim
‘Babbi’, Abdulhalim Humud ‘Gaucho’, Suleiman Kassim ‘Selembe’, beki wa Yanga,
Cannavaro, ambaye naye chupuchupu akose safari kutokana na majeruhi na
mshambuliaji wa Canal Suez ya Misri, Ally Badru.
Cannavaro ameshindwa kufanya
mazoezi leo kutokana na kufanyiwa upasuaji mdogo wa jipu kwenye goti, lakini
daktari wa timu amethibitisha anaendelea vizuri na kesho ataaanza tena
mazoezi.
Katika kikosi hicho
atakosekana pia beki Aggrey Morris Ambroce, ambaye yuko kwenye kikosi cha timu
ya taifa ya Tanzania, Taifa Stars kinachokwenda kucheza na Ivory Coast mwishoni
mwa wiki, kikiondoka alfajiri ya kesho Dar es Salaam.
Morocco amesema pengo la
Morris limezibwa vema na beki Salum Tall anayecheza soka ya kulipwa Oman, ambaye
alicheza soka nzuri mno katika mechi ya kujipima nguvu na Malawi jana iliyoisha
kwa sare ya 1-1. Malawi pia ilicheza na Taifa Stars Jumamosi wakatoka
0-0.
STARS YAONDOKA ALFAJIRI KUWAFUATA AKINA DROGBA, YAYA TOURE
 |
| Mbwana Samatta katikati akimtoka Juma Nyosso mazoezini wiki iliyopita |
KIKOSI cha wachezaji 23 na
viongozi tisa kinatarajia kuondoka kesho (Mei 31 mwaka huu) saa 11.10 alfajiri
kwa ndege ya Kenya Airways kwenda Abidjan, Ivory Coast kwa ajili ya mechi ya
mchujo ya Kombe la Dunia itakayochezwa Juni 2 mwaka huu.
Wachezaji wanaoondoka ni
nahodha Juma Kaseja, nahodha msaidizi Aggrey Morris, Mwadini Ally, Deogratius
Munishi, Nassor Masoud Cholo, Amir Maftah, Erasto Nyoni, Kelvin Yondani, Waziri
Salum, Shomari Kapombe na Juma Nyoso.
Wengine ni Jonas Mkude, Mwinyi
Kazimoto, Salum Abubakar, Shabani Nditi, Edward Christopher, Mrisho Ngasa, Frank
Domayo, Mbwana Samata, Ramadhan Singano, Simon Msuva, Haruna Moshi na John
Bocco.
Wachezaji waliobaki kutokana
na kuwa majeruhi ni mshambuliaji Thomas Ulimwengu anayecheza timu ya TP Mazembe
ya Jamhuri ya Kidemokrasi ya Congo na kiungo wa Yanga, Nurdin
Bakari.
|
| Nahodha wa Ivory Coast, Didier Drogba |
Viongozi wanaofuatana na timu
hiyo ni Kocha Mkuu Kim Poulsen, Sylvester Marsh (Kocha Msaidizi), Juma Pondamali
(Kocha wa makipa), Leopold Mukebezi (Meneja wa timu), Juma Mwankemwa (Daktari wa
timu), Frank Mhonda (Physiotherapist) na Alfred Chimela (Mtunza
vifaa).
Msafara huo unaongozwa na
Mjumbe wa Kamati ya Utendaji ya Shirikisho la Mpira wa Miguu Tanzania (TFF)
Crescentius Magori wakati naibu kiongozi wa msafara ni Makamu wa Rais wa Chama
cha Mpira wa Miguu Zanzibar (ZFA) Haji Ameir Haji.
Timu hiyo inayodhaminiwa na
Kilimanjaro Premium Lager imeagwa leo (Mei 30 mwaka huu) na Naibu Waziri wa
Habari, Vijana, Utamaduni na Michezo, Amos Makala ambaye aliwataka wachezaji hao
kwenda kuiwakilisha vizuri Tanzania kwenye mechi hiyo.
Hafla hiyo ya kukabidhi
Bendera ya Taifa pia ilihudhuriwa na Mwenyekiti wa Baraza la Michezo la Taifa
(BMT), Dioniz Malinzi, Rais wa TFF, Leodegar Tenga na Meneja wa bia ya
Kilimanjaro, George Kavishe.
Mechi itachezwa kwenye Uwanja
wa Felix Houphouet-Boigny jijini Abijan kuanzia saa 11 kamili kwa saa za Ivory
Coast.
Mwamuzi atakuwa Slim Jedidi
wakati mwamuzi msaidizi namba moja ni Bechir Hassani, wote kutoka Tunisia.
Mwamuzi msaidizi namba mbili ni Sherif Hassan kutoka Misri. Mwamuzi wa akiba ni
Youssef Essrayri pia kutoka Tunisia.
Mtathmini wa waamuzi ni Rachid
Medjiba kutoka Algeria wakati Kamishna wa pambano hilo atakuwa Saleh Issa
Mahamat kutoka Chad.
Stars itarajea nyumbani Juni 5
mwaka huu saa 1.40 asubuhi na kuingia moja kwa moja kambini kujiandaa kwa mechi
dhidi ya Gambia itakayofanyika Juni 10 mwaka huu kwenye Uwanja wa Taifa, Dar es
Salaam
Posts
No comments:
Post a Comment