Viongozi AMCOS Tandahimba wapewa wiki moja kulipa Bil. 1.4 za wakulima.

Mkuu wa wilaya ya Tandahimba, Emmanuel Luhahula.

Kaimu meneja wa chama kikuu cha ushirika cha Tandahimba, Newala Cooperative Union (TANECU), Hassan Chipyangu (Kulia) akiwa katika kikao cha viongozi wa vyama vya msingi na mkuu wa wilaya ya Tandahimba, Emmanuel Luhahula.

 Na Juma Mohamed, Mtwara.

VIONGOZI na watendaji wa vyama vya msingi 49 wilayani Tandahimba mkoani hapa, wamewekwa chini ya ulinzi mkali na jeshi la polisi kufuatia agizo la mkuu wa wilaya hiyo Emmanue Luhahula, kutaka wawekwe ndani kutokana na kushindwa kuwalipa wakulima fedha za malipo ya tatu kiasi cha sh. Bilioni 1.4.

Akizungumza katika kikao cha pamoja na viongozi na watendaji hao, mkuu wa wilaya alisema kitendo cha wao kushindwa kuwalipa wakulima fedha hizo inaonesha kuwa wamekula kwa sababu wanazozijua wenyewe, jambo ambalo linapelekea kuwagombanisha wakulima na serikali yao.

“OCD hawa watu hapa hawatoki mpaka kuwe na makubaliano rasmi ya kisheria na bila kuhusisha chama cha msingi anachokisimamia..ambaye hana utaratibu wa kupata fedha na wananchi watakaohusika kutoa hiyo hela kwa ajili ya kura maua na wao tukiwapata tunawaweka ndani..kwasababu tunaongeza mzigo, unakwepa 100 unalipa 200 unakwepa 10 unalipa 20 hatuwezi tukaendesha wilaya hautwezi tukaendesha serikali kwa mfumo huo..” alisema.

Aliwataka viongozi hao kuhakikisha walipa fedha hizo ndani ya wiki moja huku akimwagiza kaimu Kamanda wa Polisi wa Wilaya hiyo ASP Faki Saidi, kutowaachia watuhumiwa hao mpaka walipe fedha hizo na atakae shindwa apelekwe gerezani wilayani Newala.

Kaimu meneja wa chama cha ushirika cha Tandahimba, Newala Cooperative Union (TANECU), Hassan Chipyangu, alisema kwa upande wao walitekeleza wajibu wao wa kukusanya korosho kutoka kwa vyama vya msingi na kisha kuzipeleka mnadani na kuziuza ambapo pesa za mauzo hayo zinalipwa kwenye akaunti za vyama vya msingi.

“Sasa kwanini vyama vya msingi hawajalipa malipo kwa wakulima waliobaki nafikiri majibu watakuwa nayo wenyewe..kwa upande wa usambazaji wa fedha sisi tunawajibika kuchukua fedha kwenye akaunti ya chama husika kupelekea kwenye chama husika pia baada ya chama husika kutuandikia hundi ya kututaka sisi kuchukua pesa yake kwenye akauanti yake na kupeleka kwenye akaunti ya chama cha msingi..” alisema.

Akitoa ufafanuzi juu ya fedha anazodaiwa kiasi cha sh. Milioni 88, kiongozi wa chama cha msingi cha Mtoi AMCOS, Abdallah Mtoi, alisema fedha hizo ziliingizwa katika mikopo wakati wa uongozi uliopita kabla yake.

“Kiongozi aliyekuwepo nyuma yangu kwenye malipo ya bonus (ziada), alisema kwamba zimebakia Tani 21 kwenye bango lake na tani hizo aliweka tu hewa hakujua kama msimu wa 2012/20123 hakujua kama kuna matatizo fulani yalijitokeza..” alisema.

`