Mwaijage: hatuibiwi tena kura kwasababu tuna Lowassa na Sumaye

Makamu mwenyekiti wa Chama cha Wananchi (CUF), Severina Mwaijage, akihutubia katika mkutano wa hadhara wa kunadi sera na kuomba kura za Urais, Ubunge na Udiwani, uliofanyika katika kata ya Mahurunga, jimbo la Mtwara vijijini jana.

Baadhi wananchi wa kata ya Mahurunga, Mtwara vijijini, wakisukuma gari alilopanda makamu mwenyekiti wa Chama cha Wananchi (CUF), Severina Mwijage na Mgombea Ubunge wa jimbo la Mtwara vijijini, Rashidi Nandonde, wakielekea katika mkutano katani humo juzi

Wananchi wa kata ya Mahurunga waliojitokeza katika mkutano wa hadhara wa kunadi sera na kuomba kura za Urais, Ubunge na Udiwani, uliofanywa na makamu mwenyekiti wa Chama cha Wananchi (CUF), Severina Mwijage katika kata hiyo, jimbo la Mtwara vijijini juzi.

 Na Juma Mohamed

MAKAMU mwenyekiti wa Chama cha Wananchi (CUF), Severina Mwjage, amewataka vijana na wananchi kwa ujumla kujitokeza kwa wingi Oktoba 25 kupiga kura za mabadiliko, na kuacha kuhofia kuibiwa

Akizungumza jana katika mkutano wa hadhara wa kunadi sera na kuwaombea kura wagombea Urais, Ubunge na Udiwani wa jimbo la Mtwara vijijini, uliofanyika katika kata ya Mahurunga, alisema uwezekano huo haupo kutokana na kuwepo kwa viongozi mbalimbali ambao awali walikuwepo CCM kabla ya kuingia upinzani.

Severina Mwaijage

“Tumeibiwa muda mrefu, wamezoea kutudhurumu kwenye uchaguzi, wamezoea kututisha na maaskari na bunduki na mabomu ya machozi..tumeungana UKAWA, nguvu ya umma ni kubwa sana kuliko kitu chochote, nguvu ya umasikini ni kubwa kuliko kitu chochote..nawaambia vijana kura zenu haziibiwi na kama ni wizi tunaibiwaga kisiri, tuna Lowassa na Sumaye..vijana msiogope kupiga kura kama niwezi walikuwa wakituibia mara kwa mara wapo watu wa kutufundisha mbinu za kuwazuia, mwenyewe Lowassa anasema pigeni kura na haiibiwi hata moja labda ya kuwapa..” aliongeza.

Aidha, aliwataka wananchi kuwapiga vita na kuto wathamini mabalozi na wenyeviti wa Chama Cha Mapinduzi (CCM) kwasababu hawatambuliki kikatiba na kwamba wamewekwa kwa ajili ya kuuhujumu upinzani na kwamba mwisho wa uwepo wao ni mwezi Oktoba mwaka huu.

Alisema, kumekuwa na tabia zinazofanywa na viongozi hao za kuwashawishi wananchi wasihudhurie mikutano ya vyama vya upinzani pamoja na kuwapa vitisho, jambo ambalo amelikemea vikali na kuahidi kuwashitaki watakaobainika kufanya vitendo hivyo.

“Kama leo nafikiri umeona kule Nanyati..watu wanapenda kuja katika mikutano lakini wametueleza mapema kwamba balozi wa CCM na mwenyekiti jana usiku (juzi) walipita kila nyumba kuwazuia watu wasiende kusikiliza, kusikiliza sio ndio kuchagua..wasikilize sera za kila chama kwasababu kila chama kinauza sera zake..” alisema.

Baadhi wananchi wa kata ya Mahurunga, Mtwara vijijini, wakisukuma gari alilopanda makamu mwenyekiti wa Chama cha Wananchi (CUF), Severina Mwijage na Mgombea Ubunge wa jimbo la Mtwara vijijini, Rashidi Nandonde, wakielekea katika mkutano katani humo juzi

Alisema, kutokana na mwamko wa kisiasa walionao vijana kwa sasa, sio jambo la busara kuwazuia kwenda katika mikutano na kusikiliza sera za wagombea, kwani viajana sasaivi wameamka na dio maana wamejitokeza kwa wingi katika zoezi la kujiandikisha ili waweze kuchagua viongozi wanaowaona wanafaa kutokana na kuchoshwa na hali ngumu ya kimaisha pamoja na uhaba wa ajira.

Akizungumzia namna watakavyoweza kutatua kero mbalimbali zinazowakabili wananchi wa halmashauri ya Mtwara vijijini ikiwa ni pamoja na elimu,  maji na afya, alisema jambo la kwanza ni kufumua mikataba ya rasilimali za gesi asilia na mafuta ambayo wanaamini ndio imebeba utajiri wa wananchi wa maeneo hayo na Kusini kwa ujumla.

“Siku Mhe. Ngoyai mkimpa kura akashinda, hizi rasilimali zenu, mikataba ya gesi, madini, mafuta na sijui makolokolo gani wakikataa kuionyesha tutawapeleka mahakamani na mpaka rais..kwasababu wewe ukiiba kuku hapa unakamatwa na kupelekwa mahakamani wakati anaeiba mabilioni ya pesa mbona hamfungi..” alisema.