Dkt. Makaidi wa NLD afariki dunia..

Dkt. Emmanuel Makaidi

Na Juma Mohamed.

Mwenyekiti wa chama cha National League For Democracy (NLD) na Mgombea ubunge wa jimbo la Masasi, Dkt. Emmanuel Makaidi, amefariki dunia akiwa katika hospitali ya Nyangao, wilaya ya Lindi vijijini mkoani Lindi, kutokana na kuugua shinikizo la damu.

Kwa mujibu wa Mganga aliyethibitisha kifo chake kutoka katika hospitali hiyo, Dkt. Betram Makota, alisema marehemu alifikishwa hospitalini hapo jana majira ya saa tano asubuhi na mkewe huku hali yake ikiwa mbaya zaidi ambapo alifariki dunia majira ya saa saba mchana.

Dkt. Emmanuel Makaidi

Alisema, alianza kuugua siku tatu zilizopita ambapo alienda katika Zahanati moja huko wilayani Masasi ambako ndiyo nyumbani kwake na kupata matibabu ambayo ualimsaidia, lakini alivyoamka jana hali ilibadilika na kuishiwa nguvu ndipo ikaamuliwa akimbizwe hospitalini hapo.

"Aliugua tangu siku mbili zilizopta, kwahiyo jana walimpumzisha katika Zahanti moja ya huko wilayani Masasi..baade ikaonekana amepata nafuu, lakini leo asubuhi (jana) hali ikaanza kubadilika na kuanza kuishiwa nguvu na baadae akakimbizwa hapa akiwa na baadhi ya ndugu zake wa kiume na mke wake.." alisema.

Alisema kwa mujibu wa ndugu zake, maiti inasafirishwa leo kwenda jijini Dar es Salaam kwa ajili ya shughuli za mazishi.