Mpinzani wa Nape CCM aahidi kuendeleza mapambano.

Kamanda wa vijana wa Chama Cha Mapinduzi (CCM) wilaya ya Lindi vijijini na aliyekuwa mtia nia ya kugombea ubunge katika jmbo la Mtama, Selemani Methew, akihutubia umati wa wananchi wa jimbo hilo waliojitokeza katika mkutano wa hadhara uliofanyika katika viwanja vya sokoni, Mtama.

Wananchi wa jimbo la Mtama wakiwa katika mkutano wa hadhara uliotishwa na aliyekuwa mtia nia ya kugombea ubunge katika jimbo hilo kupitia Chama Cha Mapinduzi-CCM, Selemani Methew, baada ya kutii ombi la wazee waliomtaka kutoa msimamo wake baada ya kushindwa katika kura za maoni na katibu mwenezi wa CCM taifa, Nape Nnauye.

 Na Juma Mohamed, Lindi.

Kamanda wa vijana wa Chama Cha Mapinduzi (CCM) wilaya ya Lindi na aliyekuwa mgombea Ubunge kupitia chama hicho jimbo la Mtama, mkoani Lindi, Selemani Methew amesema hayuko tayari kuona haki yake inaporwa na viongozi wachache ndani ya chama hicho kwa masilahi yao binafsi.

Aliseema kura za maoni zilizofanyika ktika jimbo la mtama viongozi wa CCM wilaya hawakutenda haki walitumia nguvu, vitisho, wizi wa kura na hata rushwa kuhakikisha mgombea waliomtaka anashinda.

Hayo aliyazungumza juzi katika mkutano wa hadhara uliyofanyika katika viwanja vya sokoni jimboni humo ambapo alitumia fursa hiyo kumshukuru waziri mkuu Mh Mizengo Pinda na mkuu wa mkoa wa Lindi Mwantumu Mahiza, ambao walimshauri kuwa na subira baada ya kuwasilisha malalamiko yake ofisi za CCM taifa, ili kikao cha kamati kuu kiweze kuamua nani  anastaili kusimama kwenye jimbo hilo.

Alisema hali hiyo inaonyesha jinsi gani chama hicho kinavyoharibiwa na wana-CCM wachache wasiokuwa wazalendo, na wenye tamaa na uchu wa madaraka,wasiotaka kutenda haki wala kufuata mifumo ya uongozi.

Methew alitumia mkutano huo wa hadhara kuwaomba wapambe wake kumuunga mkono endapo jina lake halitarudi CCM wawe tayari kumuunga mkono kokote atakapokwenda jambo ambalo liliungwa mkono na mamia ya wanachama na wananchi waliokuwa katika mkutano huo.

“maadui zangu wanaodhani joto la kukubalika liko mtama mjini wanajidanganya, nitakachokifanya kwa sasa ni kufanya ziara ya kata kwa kata kuwashukuru wananchi walionipa kura katika uchaguzi wa kura za maoni ccm -hivyo nawaoma ndugu zangutuungane muone uungwaji mkono wangu katika maeneo hayo”.alisema.

Alisema alilazimika kurudi mtama baada ya kuitwa na wazee wa mji akitokea jijini Dar Es Salama ambapo aliondoka kwa minajili ya kuwasilisha malalamiko yake baada ya kutordhia matokeo ya kura zamaoni ambapo  alipata elfu nne na kuwa wa pili dhidi ya Nape Nnauye aliyepata kura elfu tisa.

Akijibu tuhuma hizo ambazo nyingi zimeelekezwa  kwenye ofisi yake katibu wa ccm wilaya ya Lindi vijijini Christina Gukwi, alisema Nape alishinda kihalali na tuhuma hizo ni malalamiko ya mtu aliyekosa kura na kwenye siasa ni jambo la kawaida.

Akizungumzia wizi wa kura amesema jimbo la mtama lina kata zipatazo 20 matawi Zaidi ya miamoja hivyo katika hali ya kawaida si jambo raisi kuiba kura kama wanavyofikiria na kitu hicho hakipo, na kuongeza kuwa katika mkutano huo alituma watu wa ofisi yake ambao wamerokodi kila kitu kilichoongelewa katika mkutano huo.

Kwa upande wa wananchi kulingana na mapenzi waliyokuwa nayo walilazimika kuchangishana na kukodi magari kwa ajili ya kumpokea mpendwa wao maandamano yaliyoanzia eneo la Mnazimmoja ikiwa ni kilometa 30 kufika jimbo la mtama mjini.

Wakizungumza kwa jazba baadhi ya wakereketwa wa chama hicho akiwamo Ali 

Matoroka alisema uchaguzi huo umeleta mpasuko na kusababisha makundi kati ya kundi la Nape na Selemani Methew ambao kila siku wamekuwa wakipelekeana polisi kutokana na chokochoko zisizo isha na wamba hali kama itaendelea hivyo watashindwa kuzikana.

Naye katibu wa UWT tawi la Mihogoni aliyepewa nafasi ya kuzungumza katika jukwaa alisema wanasikitishwa na kitendo cha kuibiwa kura kulikofanywa na baadhi ya viongozi wa CCM  hivyo kumtaka aende kokote wako nyuma yake.