Mgombea ubunge Mtwara kuwashitaki wanaowazomea wanaovaa sare za CCM.

Mgombea ubunge wa jimbo la Mtwara mjini kupitia Chama Cha Mapinduzi (CCM), Hasnain Murji, akizungumza na wanachama wa chama hicho wa jimbo la Mtwara mjini katika mkutano wa uzinduzi wa kampeni uliofanyika jana katika ukumbi wa Chuo Kikuu Kishiriki cha Mtakatifu Augustine (SAUT) tawi la Mtwara.

Wanachama wa Chama Cha Mapinduzi (CCM) jimbo la Mtwara mjini wakishangilia kwa pamoja na mgombea ubunge wa jimbo hilo, Hasnain Murji, katika mkutano wa uzinduzi wa kampeni uliofanyika jana katika ukumbi wa Chuo Kikuu Kishiriki cha Mtakatifu Augustine (SAUT) tawi la Mtwara.

Mgombea ubunge wa jimbo la Mtwara mjini kupitia Chama Cha Mapinduzi (CCM), Hasnain Murji, akizungumza na wanachama wa chama hicho wa jimbo la Mtwara mjini katika mkutano wa uzinduzi wa kampeni uliofanyika jana katika ukumbi wa Chuo Kikuu Kishiriki cha Mtakatifu Augustine (SAUT) tawi la Mtwara.

Wanachama wa Chama Cha Mapinduzi (CCM) jimbo la Mtwara mjini wakishangilia kwa pamoja na mgombea ubunge wa jimbo hilo, Hasnain Murji, katika mkutano wa uzinduzi wa kampeni uliofanyika jana katika ukumbi wa Chuo Kikuu Kishiriki cha Mtakatifu Augustine (SAUT) tawi la Mtwara

Mgombea ubunge wa jimbo la Mtwara mjini kupitia Chama Cha Mapinduzi (CCM), Hasnain Murji, akizungumza na wanachama wa chama hicho wa jimbo la Mtwara mjini katika mkutano wa uzinduzi wa kampeni uliofanyika jana katika ukumbi wa Chuo Kikuu Kishiriki cha Mtakatifu Augustine (SAUT) tawi la Mtwara

Na Juma Mohamed, Mtwara.

MGOMBEA Ubunge wa jimbo la Mtwara mjini kupitia Chama Cha Mapinduzi (CCM) Hasnain Murji, amesema atawafikisha mahakami wananchi watakaothubutu kuwazomea wanachama wa CCM wanaovaa sare za chama na kutembea mitaani.

Hatua hiyo imekuja baada ya malalamiko yaliyotolewa na baadhi ya wanachama wa chama hicho katika mkutano wa uzinduzi wa kampeni kwa mgombea huyo, uliofanyika jana katika ukumbi wa Chuo Kikuu Kishiriki cha Mtakatifu Augustine (SAUT) tawi la Mtwara, ambapo walisema hali hiyo inawapa shida na kuwakosesha raha kiasi cha kuhofia kutembea wakiwa wamevaa sare.

Murji aliwataka wana-CCM kutokuwa na wasiwasi juu ya kuvaa sare na kutembea nazo, na kwamba atakaewazomea jukumu la kumkamata na kumfikisha mahakamani litakuwa chini yake.  

“Mimi nataka sasa wana-CCM tuvae sare, na ninawahakikishia kuwa mtu yeyote atakaekuja kutuzomea mimi nitakufa nae mpaka mahakamani..safari hii tumejipanga vizuri na tuna wanasheria watatu, mtu yeyote atakaemchezea mwanachama wa CCM hatumuachi tunampeleka mahakamani na wanasheria wapo na gharama hiyo nitailipia mimi.” Alisema.

Aidha, aliwataka wanachama kutomuangusha katika uchaguzi mkuu ujao kutokana na ahadi ambayo aliitoa mbele ya Rais wa Jamuhuri ya Muungano wa Tanzania Mhe. Dkt. Jakaya Kikwete alipotembelea mkoani hapa kuzindua miradi mbalimbali, kwamba Mtwara ndio mkoa ambao utampa kura nyingi mgombea wa Urais wa chama hicho Dkt. John Magufuli.

“Nilisimama nikajitia kitanzi mbele ya Magufuli, nikamwambia ndugu yangu Kikwete unamaliza, nikamwambia mgombea wa Urais nakuhakikishia utapata kura nyingi Mtwara kuliko mkoa au wilaya nyingine yoyote nadhani mnakumbuka..kile kitanzi naomba mnitoe aibu ile na tumpe kura nyingi Magufuli..na niwaambie tu kwamba siku ile wana-Mtwara mlinitoa kimasomaso kwa mlivyonishangilia..” alisema.

Alisema Umoja wa Katiba ya Wananchi (UKAWA) wakosa demokrasia kutokana na kila mtu kutaka uongozi na kwamba mtu ukitaka kununua uongozi unaweza huku akidai kwamba viongozi wa UKAWA walikuwa wanamtamani ajiunge kwao lakini hawajafanikiwa.

Aliongeza kuwa, siku ya kurudisha fomu ya ugombea aliongea na wanahabari na kuwaeleza kwamba wagombea wa upinzani wanaogombea katika jimbo la Mtwara mjini wote wanataka ajira na sio ubunge kutokana na kutokuwa na makazi ya kudumu.

“Leo mgombea yeyote wa ubunge aliyekuja kugombea kupitia chama chako kigezo cha kwanza ili wana-Mtwara tumpe kura, atuonyeshe nyumba anayolala ili tukipata shida twende..wengine wapo ‘guest’ (Nyumba za wageni), wengine wanalala kwa ndugu zao wakifukuzwa kesho tutawapata wapi..”aliongeza Murji.