Messi kufanyiwa upasuaji wa Ini..

Takribani miezi miwili tangu aliporejea uwanjani baada ya kukaa nje kwa wiki kadhaa, mwanasoka bora wa dunia, Lionel Messi anarejea tena hospitali wikii hii kufanyiwa upasuaji mdogo wa ini.

  FC Barcelona wamethibitisha kwa vyombo vya habari kwamba Messi atarudi kwa matabibu kesho jumanne kwa ajili ya kushughulikia tatizo alilonalo kwenye ini lake ambalo lilimuweka nje ya uwanja kwa katika nusu fainali ya kombe la dunia la vilabu dhidi ya Guangzhou.
Hata hivyo taarifa iliyotolewa na klabu hiyo imesema kwamba Messi atarejea nyumbani siku hiyo hiyo akitokea Clinic ya Dexeus mapema kesho jumanne.  
Huenda mchezaji huyo akaukosa mchezo wa Jumatano dhidi ya Valencia lakini anaweza kupangwa kama hali yake ikiwa imetengamaa vyema, hata hivyo mchezo huo wa marejeano ya nusu fainali ya Copa Del Rey ni kama umeshaisha baada ya Valencia kukubali kipigo cha 7-0 pale Camp Nou wiki iliyopita

SOURCE: Shaffih Dauda