Kikwete kuisaidia Ndanda Sc

 

Rais wa Jamhuri ya Muungano wa Tanzania, Mhe. Dkt. Jakaya Mrisho Kikwete.

 Na Juma Mohamed, Mtwara.

Rais wa Jamhuri ya Muungano wa Tanzania, Mhe. Dkt. Jakaya Mrisho Kikwete, ameahidi kuisaidia timu ya soka ya Ndanda Sc ya mkoani Mtwara msaada wa viatu na jezi za aina yeyote wanazohitaji kulingana na rangi wanazozitumia.
 

Kikosi cha timu ya soka ya Ndanda Sc ya mkoani Mtwara msimu wa 2014/2015

Hatua hiyo ilikuja kufuatia ombi lililotolewa na mwenyekiti wa Chama Cha Mapinduzi mkoa wa Mtwara, Mohamed Sinani, ambaye alimtaka Rais Kikwete kuichangia timu hiyo ambayo inahaha kutafuta fedha kwa ajili ya usajili na mahiaji mengine.

Mwenyekiti wa Chama Cha Mapinduzi mkoa wa Mtwara, Mohamed Sinani.

Aidha, akizungumza kwa utani wakati akilihutubia Taifa katika uwanja wa Nangwanda Sijaona, Rais amesema angefurahi zaidi endapo Ndanda ingekuwa na jezi zenye rangi ya kijani, na kwamba kama watatumia rangi nyekuku hatoweza kuwapatia msaada huo wa jezi.