Wafanyabishara Wakitanzania wauawa kwa risasi Msumbiji..

Baadhi ya miili ya Wafanyabiashara wa dhahabu waliouwawa nchini Msumbiji kwa kushambuliwa na watu wanaosadikiwa kuwa ni majambazi ambao walifanikiwa kuondoka na fedha na dhahabu walizowakutanazo wafanya biashara hao katika tukio lililotokea usiku wa Februari 8 mwaka huu, ikiwa ndani ya majeneza kwa ajili ya kusafirishwa kutoka mkoani Mtwara.

Baadhi ya miili ya Wafanyabiashara wa dhahabu waliouwawa nchini Msumbiji kwa kushambuliwa na watu wanaosadikiwa kuwa ni majambazi ambao walifanikiwa kuondoka na fedha na dhahabu walizowakutanazo wafanya biashara hao katika tukio lililotokea usiku wa Februari 8 mwaka huu, ikiwa ndani ya majeneza kwa ajili ya kusafirishwa kutoka mkoani Mtwara.

Kamanda wa polisi mkoa wa Mtwara Henry Mwaibambe, akiongea na waandsihi wa habari juu ya tukio la kuuwawa kwa wafanyabiashara Wanne Wakitanzania nchini Msumbiji baada ya kuvamiwa na watu wanaosadikiwa kuwa ni majambazi.

Na Juma Mohamed, Mtwara.

WAFANYABIASHARA Wanne raia wa Tanzania wameuawa nchini Msumbiji watatu kati yao wakipigwa risasi baada ya kuvamiwa na watu wanaosadikiwa kuwa ni majambazi waliokuwa na silaha za moto na mapanga.

Akithibitisha kutokea kwa tukio hilo, kamanda wa polisi mkoa wa Mtwara, Henry Mwaibambe, alisema wafanyabiashara hao wa Dhahabu walivamiwa wakiwa katika vibanda vyao vya kubadilishia fedha usiku wa Februari Nane mwaka huu na kiasha kushambuliwa kwa risasi na mapanga ambapo baadhi yao walifariki papo hapo na wengine walifariki baada ya kufikisha hospitalini.

Alisema waliouwawa katika tukio hilo ni Salumu Mfanga (44) mkazi wa Temeke, Dar es Salaam, Yusuph Twalibu (34) mkazi wa Tanga, Hamisi Mkapila (40) mkazi wa Morogoro na Mariam Ramadhani mkazi wa Tanga ambaye yeye hakupigwa risasi isipokua alifariki kwa kukosa huduma baada ya kuvunjika mguu wakati anakimbia kujiokoa.

Henry Mwaibambe

“Kwahiyo ndugu zao ambao wanaishi kule Msumbiji ndio ambao walikuja hapa (Mtwara) na maiti, sasa utaratibu tuliofanya kwasababu tukio limetokea katika nchi jirani ya Msumbiji ni kwamba sisi hawa marehemu tuliwapeleka Mochoale ya hospitali ya mkoa ya Rufaa ya Ligula kwa ajili ya uchunguzi kwasababu tulipata taarifa kwamba waliuwawa na tumethibisha kwamba kweli wameuwawa na wana majeraha ya lisasi na wengine majeraha ya vitu vyenye ncha kali kama vile panga au visu..” alisema.

Alisema kutokana na marehemu hao kuwa sio wakazi wa Mtwara, ilitolewa ruhusa ya kuisafirisha miili yao na baadhi ya ndugu na jamaa ambao waliipokea miili hiyo kwa ajili ya kuisafirisha mpaka sehemu husika kwa ajili ya shughuli nyingine za mazishi.

“Msumbiji ni majirani zetu, na kwamujibu wa ndugu wa marehemu ni kwamba tukio lilitokea katika kijiji cha Mtoro, wilaya ya Mtepweshi kwahiyo tutafanya mawasiliano na wenzetu wa Msumbiji tujue namna gani tukio hili lilivyo..kwa taarifa ya ndugu wa marehemu ni kwamba jalada kule limeshafunguliwa, lakini na sisi kwa taratibu zetu tutawasiliana na ngazi ya mkoa ili tuweze kujua namna gani wenzetu hawa wafanyabiashara tukio hili limewakuta na kuweza kuuwawa..” alisema.

Kwa upande wa ndugu wa marehemu, Doto Ramadhani Mfanga, alisema marehemu hao walipigwa risasi na wawili kati yao walifariki papo hapo huku wawili wengine walifariki njiani wakati wakipelekwa hospitalini ambao ni Salumu Mfanga na Mariam Ramadhani.

Alisema watu hao baada ya kutekeleza mauwaji hayo walifanikiwa kuchukua fedha ambazo thamani yake ni sh. Milioni 20 zilizokuwa za marehemu mmoja ambaye ni Salum Ramadhani, pamoja na dhahabu ambazo hazikufahamika ni za thamani gani.

“Mimi tukio wakati linatokea nilikuwa Nampula, nikapata taarifa siku ya Jumatatu saa Sita mchana kwamba tuko hapa njiani tunampeleka mjomba wako hospitalini lakini amefariki wakati tunampeleka hospitalini ndio wakanielezea mkasa mzima ulivyotokea.” Alisema.

Kaimu mganga mkuu wa hospitali ya rufaa ya Ligula mkoani hapa, Dickson Sahini, alipotafutwa kwa ajili ya kuelezea tukio hilo alidai kuwa hana taarifa hizo na kushindwa kutolea maelezo.