Ndanda Sc washindwa kutamba wakiwa nyumbani mbele ya Migambo

Ibrahimu Issihaka wa Ndanda Sc akiruka kuwania mpira na mchezaji wa Mgambo JKT

Wachezaji wa Ndanda Sc na Mgambo JKT wakiingia uwanjani kwa ajili ya kuanza mchezo

Wachezaji wa Ndanda Sc na Mgambo JKT baada ya kukaguliwa na kamisaa wa mchezo

Wachezaji wa Ndanda Sc na Mgambo JKT wakipeana mikono pamoja na waamuzi.

Kikosi cha Ndanda Sc ya Mtwara, kilichoanza katika mechi ya Ligi Kuu Tanzania Bara dhidi ya Mgambo JKT ya Tamga.

Kikosi cha Mgambo JKT ya Tanga, kilichoanza katika mechi ya Ligi Kuu Tanzania Bara dhidi ya Ndanda Sc ya Mtwara

Benchi la Mgambo JKT

Benchi la Ndanda Sc

 Timu ya soka ya Ndanda Sc ya mkoani Mtwara imeshindwa kutamba katika uwanja wake wa nyumbani wa Nangwanda Sijaona, baada ya kulazimishwa sare ya goli 1-1 na Mgambo JKT ya Tanga, katika mechi ya ligi kuu ya Tanzania Bara.

Ndanda ndio walioanza kupata goli kupitia kwa mshambuliaji wao mpya Atupele Green, aliefunga goli la mapema dakika ya pili ya mchezo baada ya kuwazidi ujanja walinzi wa Mgambo, kabla ya Fullu Maganga kusawazisha katika dakika ya 72 kutokana na makosa binafsi yaliyofanywa na walinzi wa Ndanda.

Kashikashi langoni mwa timu ya Mgambo JKT

Akizungumza baada ya mchezo huo, kocha wa Ndanda Sc, Amimu Mawazo, amekiri kuwepo kwa makosa yaliyofanywa na wachezaji wake kiasi cha kuwakosesha kuondoka na pointi tatu katika mchezo huo.

“Kwasababu nimeshagundua makosa ni nini sasa naogopa sana kwenye vyombo vya habari, maana yake nikirudi tena nakuwa na walewale ambao wamefanya makosa, kwahiyo nimelichukuwa mimi kama mwalimu nakwenda kulifanyia kazi..” alisema.

Na kuongeza “wapinzani wangu wamecheza vizuri na wamecheza kimpira na wameshinda kimpira, kwenye kosa ambalo tumelifanya sisi wao wamepata ‘advantage’ na wameza kupata goli kwahiyo huo ndio mpira.” Aliongeza.

Kwa upande wake, kocha wa Mgambo JKT, Bakari Shime, amesema lengo lao limetimia kwasababu waliingia katika mchezo huo kwa tahadhari kubwa huku wakitafuta matokeo ya sare kutokana na kuwahofia wapinzani wao.

Nahodha wa Ndanda Sc, Kiggi Makasy, akichuana na Nahodha wa Mgambo JKT, Fullu Maganga.

“Tuliingia kwa kutafuta alama moja, lazima niseme ukweli, lakini kama mulivyoona tulifungwa goli la mapema sana ambalo lilituchanganya, lakini tulirudi mchezoni baadaye na tukafanya ‘substitute’ (Mabadiliko) tukamuingiza mchezaji wetu wakutegemewa lakini akaumia mkono mda uleue..kwahiyo kimsingi hali yetu ilikuwa ngumu kidogo lakini nawashukuru vijana wangu walirudi mchezoni na mwisho wa mechi tukapata alama moja.” Alisema.

Kwa upande wa mashabiki, wanasema bado timu yao haijakaa sawa kiasi cha kuwaridhisha, lakini wanaimani na benchi la ufundi litafanya kazi yake ipasavyo na kwamba mechi zijazo watafurahi.