Serikali yasema Tanzania ina chakula cha kutosha kiasi cha kugawa nchi nyingine

Waziri Mkuu wa Jamuhuri ya Muungano wa Tanzania, Mhe. Mizengo Pinda, akikata utepe wa kuingilia ndani ya viwanja vya Ngongo, mkoani Lindi ambako ndiko kumefanyika ufunguzi wa maonyesho ya kilimo (NANENANE) kitaifa hapo jana.

Mizengo Pinda, kulia.

Waziri Mkuu, Mizengo Pinda, akikagua banda la Poly Mashine zinazotumika katika shughuli za kilimo.

Noti mbalimbali za fedha za kitanzania zikiwa zimeharibiwa na Benki Kuu ya Tanzania, baada ya kujiridhisha kuwa zimechakaa.

Waziri mkuu Mizengo Pinda, akiwa katika banda la Mamlaka ya Chakula na Dawa Tanzania (TFDA), akipata maelezo kutoka kwa Afisa Mahusiano, Gaudensia Simwanza, kuhusu mambo yanayofanywa na mamlaka hiyo.

 Na Juma Mohamed, Lindi.

Wazri Mkuu wa Jamuhuri ya Muungano wa Tanzania Mhe. Mizengo Pinda amesema Tanzania ni miongoni mwa nchi kadhaa barani Afrika ambazo zina kiasi kikubwa cha chakula na kupelekea kusaidia mataifa mengine.

Akizungumza jana katika ufunguzi wa maonyesho ya kilimo (NANENANE) yaliyofanyika kitaifa katika viwanja vya Ngongo mkoani Lindi, Pinda alisema hivi karibuni zilitolewa tani 1,300 kwa ajili ya kuisaidia nchi ya Sudani huku tani 500 zikitolewa kuisadia Malawi.

Aidha, waziri mkuu amekubaliana na ombi lililotolewa na mwenyekiti wa Chama cha Wakulima Tanzania (TASO) Englibert Moyo, kutaka kanda ya kusini kuongezewa tena miaka miwili zaidi ya kuendelea kuandaa maonyesho hayo kitaifa.