Rais Kikwete kuzindua nyumba za NHC Lindi

Moja ya nyumba za Shirika la Nyumba la Taifa (NHC) zilizopo katika kata ya Mtanda mjini Lindi, ambazo zinazinduliwa na Mhe. Rais Jakaya Mrisho Kikwete. Hili ni eneo la zuria jekundu ambalo ni maalumu kwa ajili ya kupita Mhe. Rais wakati akienda kukata utepe kuashiria uzinduzi wa nyumba hizo.

Jiwe la Msingi, ambalo litazinduliwa na Mhe. Rais Jakaya Mrisho Kikwete.

Meza kuu ambayo Mhe. Rais atafikia na viongozi wengine alioambatana nao akiwemo mgombea Urais kupitia Chama Cha Mapinduzi (CCM) Mhe. John P. Magufuli, kabla ya kwenda katika kipaza sauti kwa ajili ya kutoa hotuba.

Wakazi wa mjini Lindi pamoja na wanafunzi ambao wamejitokeza katika viwanja vya Mtanda, eneo ambalo Mhe. Rais atazindua nyumba za Shirika la Nyumba la Taifa (NHC) muda mfupi ujao.

Nyumba za NHC zilizopo Mtanda, mjini Lindi

Nyumba za NHC zilizopo Mtanda, mjini Lindi

Na Juma Mohamed, Lindi

RAIS wa Jamhuri ya Muungano wa Tanzania, Mhe. Dk. Jakaya Mrisho Kikwete muda mfupi ujao anatarajia kuzindua nyumba za Shirika la Nyumba la Taifa (NHC) zilizopo kata ya Mtanda, mjini Lindi.

Rais Kikwete atawasili eneo hili akitokea Wilayani Kilwa ambako alikuwa na hafla ya kuzindua barabara ya kilomita 60 ya Somanga, ambapo ameongozana na viongozi wengine wa serikali ikiwa ni pamoja na mgombea Urais wa Jamhuri ya Muungano wa Tanzania kupitia Chama Cha Mapinduzi (CCM), Mhe. Dk. John Pombe Magufuli.

Kwamujibu wa taarifa ya Mkurugenzi Mkuu wa NHC, Nehemia Kyando, jumla ya nyumba 30 ambazo Mhe. Rais atazindua umegharimu kiasi cha shilingi bilioni 1.004 mpaka kukamilika kwake.