Waandishi wa habari watakiwa kuwa na ujasiri kuelekea uchaguzi mkuu

Mshauri wa masuala ya habari na mawasiliano wa Shirika Utangazaji la nchini Uingereza (BBC), Ndimara Tegambwage, akitoa somo kwa waandishi wa habari mkoani Mtwara juu ya kuandika habari za uchaguzi.

 Na Juma Mohamed, Mtwara

Waandishi wa habari nchini wametakiwa kuwa na ujasiri katika kufanya kazi zao hasa katika kuandika habari za uchaguzi, ili kupata habari sahihi zisizokuwa na upendeleo kwa masilahi ya wanasiasa.

Baadhi ya waandishi wa habari wa mkoani Mtwara wakiwa katika mafunzo juu ya kuandika habari za uchaguzi

Wito huo ulitolewa jana mkoani hapa na mshauri wa masuala ya habari na mawasiliano wa shirika utangazaji la Uingereza (BBC), Ndimara Tegambwage katika semina kwa waandishi wa habari kuhusu namna ya kuandika habari za uchaguzi.

Ndimara Tegambwage

Aidha, amesema lengo la kutoa semina hiyo ni kuwawezesha waandishi wa habari kuelewa nafasi ya taaluma yao katika kuandika habari katika kipindi hiki ambacho taifa linaelekea katika uchaguzi mkuu wa madiwani, wabunge na Rais.

…………………………….mwisho………………………………………………