Wananchi walia na ubovu wa barabara inayounganisha Tanzania & Msumbiji.

Gari likiwa barabarani katika barabara ya Kilambo

Na Juma Mohamed, Mtwara.

WAKAZI wa kijiji cha Kilambo, Halmashauri ya wilaya ya Mtwara, wamelalamikia ubovu wa barabara kuanzia kijijini hapo kuelekea mpakani mwa Tanzania na Msumbiji ambayo haikidhi kwa matumizi ya vyombo vya usafiri.

Wakizungumza kijijini hapo kwa nyakati tofauti, walisema matengezo yanayofanyika katika kuboresha miundombinu ya barabara hiyo sio sahihi kwasababu ya kufusi kinachotumika kwa matengeno sio imara.

Walisema serikali inapaswa kutilia mkazo ujenzi wa barabara hiyo kwasababu ndio kiunganishi cha nchi mbili za Tanzania na Msumbiji ambapo shughuli mbalimbali zinazofanywa na wananchi wan chi hizo kwa kiasi kikubwa zinafanyika kwa kutumia barabara hiyo.

Baadhi ya wakazi wa kijiji cha Kilambo, halmashauri ya wilaya ya Mtwara wakiwa barabarani katika barabara ya Kilambo inayoelekea mpakani mwa Tanzania na Msumbiji.

Kwa upande wake, mwenyekiti wa serikali ya kikiji hichi, Mohamed Mkama, alikiri kuwepo kwa changamoto hiyo na kudai kuwa jitihada za kuwasilisha taarifa za ubovu wa barabara kwa uongozi wa halmashauri zinafanyika, lakini utekelezaji wake unakuwa mgumu.

“Hii barabara ni muhimu sana kwasababu inaunganisha nchi mbili pia watu ni wengi kutoka nchi jirani na kuja huku na wanaotoka huku kwenda nchi jirani, kwahiyo inaponyesha mvua kunakuwa na madimbwi na mashimo magari yanapita kwa shida, wananchi vilevile wakiwa na baiskeli zao wanapata shida sana..kwahiyo tunaiomba serikali hasa halmashauri iiangalie barabara hii ni muhimu zaidi.” Alisema.