Jeshi la Polisi Tandahimba lapewa angalizo kuelekea uchaguzi mkuu.

Umati wa wananchi wa jimbo la Tandahimba waliojitokeza katika mkutano wa kuzindua kampeni wa mgombea ubunge wa jimbo hilo kupitia Chama cha Wananchi (CUF) Katani Ahmad, uliofanyika jana katika viwanja vya shule ya msingi Mnyoma, katani Mdimba.

Umati wa wananchi wa jimbo la Tandahimba waliojitokeza katika mkutano wa kuzindua kampeni wa mgombea ubunge wa jimbo hilo kupitia Chama cha Wananchi (CUF) Katani Ahmad, uliofanyika jana katika viwanja vya shule ya msingi Mnyoma, katani Mdimba.

Wafuasi wa mgombea ubunge jimbo la Tandahimba kupitia Chama cha Wananchi (CUF) Katani Ahmad, wakiwa wamebeba mfano wa jeneza wakiashiria kukizika Chama Cha Mapinduzi (CCM) katika uchaguzi mkuu wa mwezi oktoba mwaka huu

Mgombea ubunge jimbo la Tandahimba kupitia Chama cha Wananchi (CUF) Katani Ahmad (mwenye flana la mistari) akiwasili katika viwanja vya shule ya msingi Mnyoma alikofanya mkutano wa kuzindua kampeni jana.

Mgombea ubunge jimbo la Tandahimba kupitia Chama cha Wananchi (CUF) Katani Ahmad (mwenye flana la mistari) akiwasili katika viwanja vya shule ya msingi Mnyoma alikofanya mkutano wa kuzindua kampeni jana.

 Na Juma Mohamed.

JESHI la Polisi wilayani Tandahimba mkoani hapa limetakiwa kuonyesha ushirikiano kwa vyama vya upinzani wakati wa kuhesabu kura na kutangaza matokeo ya ubunge na udiwani katika uchaguzi mkuu ili kuhepusha shari baina yao na wananchi.

Rai hiyo ilitolewa juzi na mgombea ubunge wa jimbo la Tandahimba kupitia Chama cha Wananchi (CUF), Katani Ahmad, wakati akizindua kampeni katika viwanja vya shule ya msingi Mnyoma, kata ya Mdimba, ambapo alisema katika zoezi la kuchukua na kurudisha fomu aliomba kibali cha kufanya maandamano ya amani na jeshi hilo liliunga mkono na hakukuwa na shari yoyote.

Alisema, kutokana na zoezi hilo kwenda vizuri, amekuwa na imani kubwa na jeshi hilo na kwamba wanatakiwa kuendelea na msimamo huo huku akiwasihi kukataa iwapo watapewa amri na viongozi wa juu za kuvuruga amani zitakazopelekea kuwatofautisha na wananchi.

 

Bodaboda za wafuasi wa mgombea ubunge jimbo la Tandahimba kupitia Chama cha Wananchi (CUF) Katani Ahmad, katika mkutano wa kuzindua kampeni uliofanyika jana katika viwanja vya shule ya msingi Mnyoma, kata ya Mdimba.

“Wapiga kura watakapopiga kura na kura za Katani zikatosha, wanaojifanya nchi yakwao wakasema nyie ndio mtumike, waambieni sisi hatutaki shari na wananchi hao..na nimekuwa nikisema mara nyingi kwamba tatizo la raia na askari polisi limekuwa likisababishwa na viongozi ambao hawana demokrasia ya kweli..wala sio tatizo lao polisi hawa, wale wakubwa wakiona kiazi chao kinataka kuingia mchanga..na ndio maana sisi katika katiba pendekezwa tulisema hatuhitaji kuona mkuu wa wilaya akiwa kada wa Chama Cha Mapinduzi kwasababu ndio mwenyekiti wa kamati ya ulinzi na usalama ya wilaya..”alisema.

 

Na kuongeza “ili polisi wakirusha bomu ni lazima mawasiliano baina ya watu hawa yawepo..OCD (Kamanda wa Polisi wa Wilaya) na mamlaka yake hawezi kupiga bomu bila mwenyekiti wa kamati ya ulinzi na usalama ya wilaya kusema sasa piga..” aliongeza.

Alisema anaimani kuwa watawazidi Chama Cha Mapinduzi (CCM) kwa kura zaidi ya 20,000 jambo ambalo litawafanya washindwe na kukwamisha mipango na jitihada zozote wanazozifanya katika kuhakikisha wanapata ushindi.

Aidha, alitaja kipaombele chake iwapo wananchi wa Tandahimba watamchagua kuwa mbunge kuwa ni kuboresha masilahi ya wakulima wa zao la korosho kwa kuhakikisha bei inakuwa nzuri na yenye manufaa kwao, na kufanya kilimo cha muhogo kuwa kilimo mbadala wilayani humo baadala ya korosho.

“na hili la kilimo mbadala tayari nimeshalifanyia utafiti..mwaka jana nilikwenda nchini China kwa ajili ya kujua Wachina wanahitaji kitu gani, bahati nzuri, hata Muhogo ambao hatutii dawa Wachina wanahitaji..hawakuishia hapo, tukaingia makubaliano kuona namna gani tunafanya kilimo cha Muhogo kuwa kilimo cha biashara ndani ya mkoa wa Mtwara..” alisema.